Најнови Постови

ТАМПОНИРАЊЕ НА УЛИЦАТА „ПЕРО ВИДЕВ“  КАЈ ВАТАШКИТЕ ГРОБИШТА

ТАМПОНИРАЊЕ НА УЛИЦАТА „ПЕРО ВИДЕВ“ КАЈ ВАТАШКИТЕ ГРОБИШТА

Привршуваат градежните работи на тампонирањето на дел од улицата „Перо Видев“ во Ваташа која минува на северната страна од гробиштата.

Овој проект опфаќа санирање на дел од улицата која потоа продолжува во земјан полски пат во должина од 300 метри, а започнува од влезот на селските гробишта и продолжува кон лозовите насади на Ваташки рид.

Со овој проект општината ги санира оштетувањата на патот кој жителите го користат како пристап до вечните почивалишта на нивните блиски, како и пат до нивните имоти во овој дел на Ваташкото виногорие.

Општината го реализира овој нов проект од комуналната изградба на барање на месната заедница од село Ваташа.

  Општина Кавадарци
кабинет на Градоначалник
М-р Митко Јанчев

ПОСТАВЕНИ НИСКИТЕ КАНДЕЛАБРИ НА  ГРАДСКИОТ ПЛОШТАД

ПОСТАВЕНИ НИСКИТЕ КАНДЕЛАБРИ НА ГРАДСКИОТ ПЛОШТАД

Се оформува новиот лик на градскиот плоштад. Во оваа фаза од реконструкцијата се поставуваат ниските урбани светики од дополнителното јавно улично осветлување.

Според проектот треба да бидат поставени вкупно 15 нови канделабри. Секој столб носи единечна светилка од метал халоген тип со моќност од 70 W на осветлување, кое дава пријатна жолтеникава боја на светлината.

Дополнителните канделабри од јавното осветлување се поставуваат на рабовите околу новите зелени површини кои се вградиа во градскиот плоштад.

Со реализацијата на овој проект општината обезбедува помоќно и пофункционално јавно осветлување на плоштадот кое директно ќе влијаа врз побезбедното движење на пешаците, а на плоштадот му дава дополнително светло и подобар лик. 

Општина Кавадарци
 Градоначалник
                    м-р Митко Јанчев

ОГРАДУВАЊЕ НА СПОРТСКИОТ ЦЕНТАР

ОГРАДУВАЊЕ НА СПОРТСКИОТ ЦЕНТАР

Продолжува обновата на Спортскиот центар „Јасмин“. Оперативата на фирмата „Метал Апостолов“ од Кавадарци работи на реализација на проектот на општината за оградување на објектот.

Според планот со метална ограда  во должина од 990 метри ќе се огради целата парцела на спортскиот центар. Оградата е висока 2 метри, а за нејзино поставување општина Кавадарци од буџетот издвои 2.500.000 денари.

Паралелно со оградувањето беше извршена и реконструкција на рушениот камен потпорен ѕид на северната страна од фудбалскиот терен. Фирмата „Метал Апостолов“ како општествено одговорна, донираше обновување на камениот потпорен ѕид.

 

Општина Кавадарци
 Градоначалник
                                    м-р Митко Јанчев