Автор: Општина Кавадарци

НАДВОРЕШЕН ЛИФТ ВО ОПШТИНСКАТА ЗГРАДА ЗА ЛИЦА СО ХЕНДИКЕП

НАДВОРЕШЕН ЛИФТ ВО ОПШТИНСКАТА ЗГРАДА ЗА ЛИЦА СО ХЕНДИКЕП

Лицата со хендикеп од сега ќе имаат полесен физички пристап до сите институциите на системот во Локаланта самоуправа Кавадарци, како и до поголем дел од Подрачните служби на министерствата. Во зградата на општината за таа цел беше пуштен во употреба лифт наменет за оваа категорија на граѓани. Вредноста на проектот Лифт за лица со инвалидидет изнесува милион и 800 илјади денари без ддв, од кои половината ги обезбедува општината, а другата половина УНДП.

Од име на лицата со телесна инвалидност, благодарност до УНДП, до ВПР и Општина Кавадарци посебно за градоначалникот изрази претседателот на Здружението во Кавадарци Михајло Михајлов, кој прв го употребуи лифтот за да се качи на втори кат. Инаку покрај инвалиди, лифтот кој се наоѓа на задниот влез на Општинската административна зграда ке можат да го користат и други лица кои од било кои здравствени причини не можат да се движат по скали.

Градоначалникот на  Александар Панов изјави „Овој објект е во функција на луѓето со посебни потреби. Ова е само продолжување на нашата програма за поддршка на лицата со хендикеп. Ние минатата година пристапивме кон набавка на електронски колички за подобро движење на лицата со инвалидност, а во овој дух би сакал да најавам една добра работа која што е во напредна фаза во преговорите со Дрекслмаер, за прв пат почнуваме со вработување на вакви лица и тоа во приватниот сектор. Она што беше поттик во изминаот период од страна на Владата на Република Македонија, а сега слушам дека по втор пат ќе се објавува оглас за вработување на лица со посебни потреби, тоа го прифатија и од приватниот сектор и се надевам дека во скоро време ќе имаме можност лицата со хендикеп од Кавадарци да се вработат и во приватниот сектор.  Ова не е ниту прв пат ниту втор пат, ова се многу пати кога  УНДП помогнале на општина Кавадарци и навистина од се срце и благодарам на амабасадорката, како на човек кој што верувам е и емотивно врзан со Кавадарци и Вардарскиот плански регион, нагласи Панов. Тој од лично име, од името на граѓаните на општина Кавадарци, а пред се од името на лицата со хендикеп се заблагодари на поддршката секако и на Владата на Република Македонија, затоа што со заеднички сили заедно со локалната самоуправа, се успеа да се изградат неколку објекти за олеснување на животот на лицата со хендикеп.

Луиза Винтон, постојан претставник на УНДП во Македонија исто така изрази благодарност за соработката со општините од регионот. „Во име на програмата за развој на Обединетите Нации ми претставува огромно задоволство што сме овде денес во Кавадарци, на третиот ден на партнерствата во рамките на Вардарскиот плански регион во духот на соработката. Еден од темелите не само на Вардарскиот плански регион, нагласи, туку и на Обединетите Нации, е инклузијата на ранливите групи особено на лицата со инвалидност“. Таа изрази задоволство од тоа колку општините од Вардарскиот регион вложија напори да ги срушат бариерите и луѓето со инвалидност да станат еднакви со сите останати во сите сфери на општественото живеење.

Градоначалникот на Велес Славчо Чадиев кажа дека ваков лифт е направен и во Велес, во училиштето „Васил Главинов”. „Тоа е само еден дел од целокупната активност на Вардарскиот регион проследен низ сите 9 општини во Вардарскиот регион. Во неколку општини се направија проекти токму за лицата со посебни потреби. Би се надоврзал на амбасадарката дека Вардарскиот регион е лидер во регионот не само за лицата со посебни потреби, ами општо во работењето во сегмент на проекти, во сегмент на подготовки, соработки меѓу сите општини во регионот. Ја користам оваа можност да најавам уште еден проект во соработка со УНДП, центар за лица со посебни потреби во Велес, реконструкција на зграда каде што веќе е сместен најсовремениот центар за слепи лица, комплетно опремен и го пуштивме во употреба пред дваесетина дена. Јас се надевам дека оваа наша успешна соработка ќе продолжи и понатаму“ додаде Чадиев

СЕВЕРНИОТ ВЛЕЗ ВО ГРАДОТ ЌЕ ДОБИЕ НОВ ЛИК

СЕВЕРНИОТ ВЛЕЗ ВО ГРАДОТ ЌЕ ДОБИЕ НОВ ЛИК

Започнаа градежните активности за проширување на влезот на Кавадарци, односно реконструкција на „Западен булевар“.  На стартот на градежните работи беше присутен и вицепремиерот и министер за финансии Зоран Ставревски и градоначалникот Александар Панов. Градоначалникот нагласи дека се отпочнува со реализација на значаен капитален проект за цела општина.

„Ова беше едно долгогодишно барање на целокупниот бизнис сектор и на регионалната стопанска комора.  Минатата година го реализиравме кружниот тек заради зголемување на безбедноста. Сега ќе се реконструира влезот во должина од 350 метри и ширина од 17 метри“ рече Панов.

Со првата фаза од реконструкцијата на најфрекфентниот влез во Кавадарци предвидено е да се изгради булеварско решение на коловозот со 4 ленти по две во двата правци на потегот од спојот со заобиколницата „Северен Булевар“ па до новиот кружен тек над ООУ „Гоце Делчев“. На новата сообраќајница ќе има и два тотоари, а делницата целосно ќе биде хортикултурно уредена, а ќе се постави и јавно улично осветлување.

Тој нагласи дека целокупната инвестиција ќе чини околу 13 милиони евра, пари од општинскиот буџет. Заедно со експропираниот имот,  каде ќе се проширува влезот, Панов рече дека  проектот ќе достигне вредност и до 17 милиони денари.

 

Последен ден за барања за легализација                   РАБОТНОТО ВРЕМЕ ЗА ПРИЕМ НА БАРАЊА ПРОДОЛЖЕНО ВЕЧЕРВА ДО 24:00

Последен ден за барања за легализација РАБОТНОТО ВРЕМЕ ЗА ПРИЕМ НА БАРАЊА ПРОДОЛЖЕНО ВЕЧЕРВА ДО 24:00

Денеска општина Кавадарци на последниот ден за поднесување на барања за легализација на дивоградби го продолжува работното време на службата во Граѓанско информативниот центар. Барања ќе може да се поднесуваат до 24 часот, кога и официјално истекува рокот за аплицирање, иформираа денеска од Службата за односи со јавноста при локалната самоуправа.

Во општина Кавадарци беа примени во работа 7249 барања за легализација на бесправно изградени објекти. Во моментов во постапка за легализација се 2700 барања. Прекината е постапката за 2939 предмети. За 1610 предмети се донесени правосилни решенија за легализирање на бесправно изградени објекти.

„Откако беше продолжен рокот за доставување на барања, заклучно со денеска примени се 1280 нови барања.  Поднесени се и 210 нови барања за утврдување на правен статус на линиски инфраструктурни објекти“ информираат од прес службата на општината.

Имателите на бесправни објекти кои до денот на влегување во сила на овој Закон  немаат поднесено барање за утврдување на правен статус на бесправен објект,а на кои објекти заклучно со 3 март 2011 година се изведени градежни и инсталатарски работи во целост и истите претставуваат градежна и функционална целина,можат да поднесат барање за утврдување на правен статус на бесправен објект, од денот на влегување во сила на овој закон дo 31 март 2016 година.

Барателите кои ќе достабат барање за утврдување на правен статус на бесправен објект до 31 март 2016 година ,треба да достават геодетски елаборат најдоцна до 31 декември 2017 годинаУште два дена е законскиот рок за поднесување на барање за легализација.Не го пропуштајте рокот искористете ја можноста даго легализирате вашиот објект  од 1 ЕВРО по  м2.

Презентација на проектот „Купи куќа за млади“ денеска во општина Кавадарци

Презентација на проектот „Купи куќа за млади“ денеска во општина Кавадарци

Општина Кавадарци информира дека денес во 16:00 часот во Големата сала на Општината ќе биде извршена презентација на проектот „Купи куќа за млади“.

По тој повод се покануваат сите заинтересирани млади брачни двојки или поединци на возраст до 35 години да присуствуваат на презентацијата на овој проект на Владата на Република Македонија.

Инаку сите оние кои ќе се вклучат во оваа мерка на Владата преку проектот „Купи куќа за млади“, младите до 35 години можат да добијат до 33.000 евра субвенции – неповратни средства од Владата за купување, изградба или надградба на куќа.

Примањата треба да бидат до 900 евра за поединец или вкупен приход на брачните другари до 1300 евра. Најголем дел од популацијата во Македонија влегува во категоријата која може да се јави како баратели.

Младите можат да бираат еден од двата модела кои им се на располагање – „Субвенција на месечната рата“ или „Субвенција на учеството“.

Преку првиот модел – „Субвенција на месечна рата“ Владата во тек на 11 години отплаќа дел од ратата за кредит за куќа и тоа првите 8 години 80% од ратата (главнина и камата) и следните три години (9-та, 10-та и 11-та) 50% од ратата. Пресметките покажуваат дека граѓаните кои ќе го искористат овој модел можат да добијат и до 33.000 евра неповратни средства за купување изградба или надградба на куќа, информираат од Службата за односи со јавноста при општина Кавадарци.

КАВАДАРЧАНИ ДОБИВААТ УШТЕ 500 МЕТРИ ШЕТАЛИШТЕ НА КЕЈОТ

КАВАДАРЧАНИ ДОБИВААТ УШТЕ 500 МЕТРИ ШЕТАЛИШТЕ НА КЕЈОТ

Градоначалникот Александар Панов направи обиколка на терен да согледа како се реализира втората фаза од проектот за доградба на „Кејот-шеталиште“. Од виденото Панов  искажа задоволство од квалитетот и интензитетот со кои се извршуваат работите.

„Гледам еден сосема нов лик на овој дел за разлика од тоа што  го видов пред почетокот на работите и се надевам дека е на големо задоволство на сите граѓани кои живеат овде. Со ова добивме уште 500 метри шеталиште, 250 метри во еден правец и 250 во друг.  Ова е дополнителен стимуланс со проектот да  продолжиме и следната година до `брушанскиот мост`. Очекувам со околу 15 милиони денари да се заврши комплетно целиот проект “ рече Панов.

Откако ќе завршат градежните активности за доизградба на кејот на реката Луда Мара, Кавадарци ќе добие дополнителни 500 метри урбанизирано шеталиште покрај реката и тоа во најголем дел под сенките на високите крошни на јаворите

Градоначалникот Панов најави нова инвестиција во комуналната сфера и тоа за реконструкција и на колектроскиот систем, проект на кој заеднички ќе работат Општината и ЈП Комуналец.

„Ќе вложиме околу 1 милион евра, пари од ЈП Комунлац кои ги  има како добивка. Со одлука на Совет овие пари ќе ги намениме за колекторксиот систем, за да конечно се реши неговата димензионираност за наредните 50-100 години“ нагласи Панов.