Категорија: Актуелно

Совет 25 седница

Совет 25 седница

Во рамки на 25-тата редовна седница на Советото на општина Кавадарци на дневен ред беа вкупно 15 точки. Најмногу дискусии предизвика Предлог-Одлуката за делегирање на надлежностите за организирање и реализирање на културните манифестации по Програмата за активности на општината.

Во рамки на денешната седница советниците донесеоа одлука и правилник за делигирање на надлежностите на општината во делот на културата. Токму овие точки беа инспирација за повеќе советнички дискусии. Советниците од опозицијата со став дека не треба здружение на граѓани да ги организира културните манифестации, туку тоа да биде правно лице. Ваквата забелешка беше прифатена од страна на градоначалникот. Во повеќето дискусии на советниците акцент беше ставен на организирањето на стопанско туристичката и културна манифестација Тиквешки гроздобер која е главен белег на Кавадарци.  Со одлуката и правилникот  што на седницата едногласно  ги усвоија советниците се опфатени и манифвестациите  „Свети Трифун“, „Баскер фест“ и организираниот дочек на новата 2016 година на градскиот плоштад. Веднаш по усвојувањето на одлуката општината ќе објави Јавен конкурс за избор партнер кој ќе даде најповолна понуда. Доколку таков субјект нема тогаш надлежностите ќе се пренесат на Домот на културата.

Иако како дополнителна точка на дневниот ред сепак кај членовите на советот внимание предизвика Информацијата со предлог мерки за заштита на амбиенталниот воздух во Кавадарци. Во информацијата се наведува деака: Од 31 ден во декември, кавадарчани во 14 денови дишеле загаден воздух или имало неколку пати над дозволеното присуство на суспендирани честистички од 10 микрометри, ги информираше советниците и јавноста градоначалникот на општина Кавадарци. Загадувањето на амбиенталниот воздух и информацијата од Министерството за животна средина и просторно планирање  беше причина Советот да усвои неколку заклучоции кои треба да помогнат за намалување на загадувањето, а и да се одржи вонредна седница на која ќе се расправа за загадаувањето.

Претседателката на советот Горица Пеливанова-Вилхелм ги презентираше заклучоците кои ги усвои  Советот на предлог од комисијата за екологија.

„Советот на општина Кавадарци го задолжува ЈП „Комуналец“ двапати неделно да  врши миење на сите улици во град Кавадарци, особено околу градилиштата. Советот предложи градоначалникот да преговара со менаџерскиот тим на „Фени Индустри“ за времено пренасочување на тешките товарни возила по заобиколен пат до седиштето на фимрата, заради надминување на сосотојбата со зголеменото загадување на амбиенталниот воздух. Исто така советот побара медиумите редовно да известуваат за загадувањето и да се апелира до граѓаните да користат средства за јавен превоз, а патничките возила да не се користат без поголема потреба, со цел намалување на сообраќајот на моторни возила. Исто така се апелира до граѓаните  да ја намалат употребата на јаглен за загревање на домовите се додека постои ризик од зголемено загадување на амбиенталниот воздух, а показателите за загаденоста на воздухот да се истакнуваат на видео бимот поставен на општинската зграда.

На седницата едногласно без дискусија беа усвоени и неколку одлуки поврзани со урбанистичко планска документација, како и одлуки за примање и давање на трајно користење на недвижни ствари од Владата на РМ на ООУ „Тоде Хаџи Тефов“, “Страшо Пинџур“, „Тошо Велков-Пепето“ и „Димката Ангелов Габерот“ со проектот „Комјутер за секое дете“.

Со одлука на советот ќе се донираат средства за изградба на црквата „Света Петка“ во Кавадарци.

Совет - 25 седница Совет - 25 седница Совет - 25 седница Совет - 25 седница Совет - 25 седница Совет - 25 седница Совет - 25 седница

Василичари – џаламари ги истераа лошите духови

Василичари – џаламари ги истераа лошите духови

Оган сред село, со вино ракија и колбаси. Со песни и со игри беше прославено доаѓањето на Православна нова година, празникот Василица, кој главно се поврзува со практикувањето на бркањето на лошите духови и демони со помош на џоламарите.

Во Тиквешијата и годинава во сите села празникот Василица беше прославен во многу домови, како слава на семејството или како христијански празник, со посета на црквите. Во Храмот „Свети Димитрија“ се одржа Света Василиева Литургија која ја отслужија свештеници од намесништвото во Кавадарци. А што се однесува за обичаите тие не изостанаа, напротив, годинава со поголема масовност со учество од најмалите до највозрасните.

Во некрстените денови, по раѓањето на Христос, треба да се чуваме од лошите духови и злите демони. Тие се тука меѓу нас, па во нас. Затоа треба да ги избркаме и да не подлегнуваме на нивните искушенија, а на Василица Џоламарите ја имаат таа задача. Древната традиција, ова година беше масовно практикувана во сите села од Тиквешијата, а во Општина Кавадарци особено. Ресава, Бегниште, Сопот, Дреново, Возарци и другите села како во Марена, потоа во Глишиќ, се палеа огнови сред село, а кумовите на славата го организираа животот околу него. Заиграа и џаламарите кои рано наутро од куќа по куќа ги бркаа самовилите, караконџулите, демоните. За возврат добиваа пари, јадење, вино, ракија од домаќините. Попладнето кога се се стишува, се вадат реквизитите, џаламарите ја симнуваат од себе облеката, се мијат и седнуваат на трпеза. Притоа се прави биланс на собраните пари и даровите во храна и пијалаци. И започнува подготовката за идната Василица.

Меѓу Василичарите-џаламари во село Сопот, присуствуваше градоначалникот Александар Панов. Тој ги даруваше џаламарите, а истовремено на сите граѓани на Општинава им посака многу здравје и бериќет во новата година со желба да биде многу подобра од претходната особено за лозарите и земјоделците.

Претседателката на Советот на Општина Кавадарци Горица Пеливанова Вилхелм со советничката Анита Гинова Каракутова ги посетија селата Бегниште и Ресава, советникот Зоран Јованчев беше меѓу жителите и џаламарите од село Дреново каде ги следеа обичаите ги даруваа џаламарите.

Традицијата се следи така по ред, со години. Само со непосредно присуство на овој обичај може да се почуствува неговата вистинска моќ и веднаш да се разјасни дилемата зошто се задржал до денешни дни, со истиот интензитет како што било во минатото.

Маските  на џоломарите  од Ресава и Бегниште се препознатлив белег за овој крај. Тие се изработени  исклучиво од природен материјал. Ќулафка-наметка, шајачни панталони, гумени опинци, волнени чорапи, околу половината врзуваат широки кожени ремени со 10 до 15 клопотарци, тешки над 15 килограми а мустаќите и брадата се од волна. Маскирањето на лицата се врши со саѓи од огништата. Ако случајно  ноќта  помеѓу 13 и 14 јануари наминете во овие села  можете да ја видите групата џоломари во која учествуваат: дедо, баба, зет, невеста, поп, гатач и други џоломари па ќе морате да платите пари за да го поминете патот.

Ритуалот завршува утредента на 14 јануари кога група тргнува по куќите, во дворовите тропаат со клопотарците, попот ги благословува домаќините, а домаќинката ги дарува со брашно, месо, вино, ракија и други плодови. На крај откако ќе се посетат сите куќи тие се собираат во една определена куќа, прават гозба од  даровите кои ги собрале, а од парите купуваат маски за наредната година.

Организирано со сите обичаи беше и годинава во сите единици на Централната градинка во Кавадарци. Свеченоста по повод Василица ја посети градоначалникот Александар Панов, претседателот на Советот Горица Пеливанова-Вилхелм на децата им подарија чоколади, а тие изведоа дел од обичајот за Василица покрај огнот. Панов на децата им посака многу здравје и безгрижни детски денови.

Градоначалник Александар Панов – новогодишно интервју

Градоначалник Александар Панов – новогодишно интервју

Последниот ден  од 2014 градоначалникот на Кавадарци Александар Панов во интервију за Кав‘даречки Весник ги сумира резултатите од работењето во годината која завршува.

КВ: Градоначалниче каква е вашата оценка за она што се случуваше во летото годподово кое днеска треба да го испратиме во историјата?

Александар Панов: На половина од втората година од вториот мандат можам да констатирам дека зад нас останува една година која по некои работи би требало бргу да ја заборавиме, но и година во која успеавме да направиме добри работи со цел Кавадарци да се движи напред во својот целокупен општествено политички развој. Најпрвин би посакал никогаш повеќе да не се повтори климатолошки ваква година, во која лозарството и нашите лозари како ивинопреработувачи и покрај сиот труд, на крајот не беа целосно задоволни. Кога конечно немавме проблеми со откупот како резултата на интензивното посредување  помеѓу лозарите и винарите во претходните години, сепак природата и господ ставија рака на тоа и не дозволија реколтата 2014 да ја паметиме по добро. Искрено посакувам овие проблеми да не се повторат во 2015 година.

Што се однесува до резултатите на работењето на општината, оваа година би ја вброил во оние од мојот мандат во кои оценката би била здоволителна и негде во средината. За да ги потврдам овие зборови би направил компарација базирана на бројки и статистика. Во однос на реализацијата на Буџетото, годинава имаме остварено 20 милони денари повеќе во споредба со лани, но сепак тое е за исто толку пари помалку во однос на најуспешната 2011 година од мојот мандат, па сега во однос на неа имаме 20 милиони денари помала реализација. Пред бројките и фактите нема што повеќе да се говори. Но ова е година во која покрај редовните активности во комуналната изградба успеавма да реализираме неколку покрупни проекти кои допрва ќе ги дадат очекуваните резултати. Во оваа насока за мене најзначајна е изградбата на модуларниот паркинг над Паркот на револуцијата на улицата 1Мај. Овој паркинг е зародишот на поголемиот проект кој ќе продолжи да се реализира со почетокот на 2015 година, а е значаен во решавањето на еден од најгорливите проблеми во градот паркирањето.

Неминовно е да се потсетиме дека 2014 беше изборна година. Вонредните парламентарни избори реално попречија во нашето непречено работење, па еден дел од крајната оценка за годината зависи токму и од тој неспорен факт кој правно формално кога има избори секогаш носи негативни последици за нормалното функционирање на општините. Но со ова нималку не барам некакво оправдување, бидејќи сум убеден дека за такво нешто нема потреба. Напротив сакам да потсетам дека оваа година се донесе и Законот за финансијска дисциплина. Токму тој закон со неговите одредби сите локални самоуправи ги ставо во ред, што на крајот е мошне поволно, но нашето прилагодување кон него влијаеше минимално во крајната оценка за годината.

Она што мене особено ми значи е дека годинава сериозно во работењето на локалната самоуправа се почуствуваа ефектите и придобивките од работењето на „Дрекслмаер“ и тоа на повеќе полиња.

КВ: Пред општината е нов предизвик. Што ќе биде преизвик и приоритет во наредната 2015 година.

Александар Панов: Прво што очекувам дена наредната во никој случај не би требало да биде полоша од оваа која денеска ја испраќаме. Напротив, очекувам во многу нешта да биде подобра и поуспешна. Овој оптимизам го базирам на фактот дека не би требало да се случат нешта кои негативно би се одразиле на финансиските случувања во општината. Доколку концесиите функионираат во целосен обем,тогаш нема потреба за загриженост и би имале уште една рекордна година. Во наредната година би требало да стапи во сила новиот Генерален урбанистички план, како основа за целокупниот развој на општината. Тој со неговите урбанистички решенија ќе создаде услови за привлекување на приватните инвеститори со кои по пат на Јавно приватно партнерство ЈПП, ќе можеме да отпочнеме со реализација на значајни проекти како што се: Деловно трговскиот центар, новиот противпожарен дом, како и конечно влегувањето на Лук оил во Кавадарци. Овдека би се релизирале и изградбата на станбен комплекс во близина на УЈП, изградбата на нова автобуска станица, како и уредување на просторот околу новиот суд и изнаоѓање на употребна вредност на истиот. Во 2015 конечно ќе започнеме со уредување на влезот во Кавадарци од страната на Росоман бидејќи новото решение на ГУП овозможува урбанистичка интервенција на тој потег.

Во 2015 во делот на Локалниот економски развој акцентот ќе го ставиме врз таканаречените „грин филд“ инвестиции, а тоа на почетокоѕт од годината ќе се почуствува со ставање во употребна вредност на дел од халите во поранешен „МИК“, како и други објекти каде се предвидуваат неколку стотини нови вработувања. Идната година преку грантови од Светската банка кои преку Владата ќе се насочиме кон развој на руралните средини.

КВ:  која е пораката до граѓаните за 2015 година?

Александар Панов: Посакувам она што беше лошо во 2014, да не се повтори во нареданата. Во 2015 година да ни се случат повеќе добри, многу малку лоши работи. Кавадарци да доживува поголем просперитет за повторно да биде пример во Македонија како мерило за многу други општини и да има многу нови вработувања.

На сите граѓани им посакувам многу здравје успех и просперитет, какои и финансиска стабилност, бидејѓи покрај здравјето таа  е составен елемент на среќата.

Нема ни е честита новата 2015 година, а Божиќните празници да ги поминеме во мир и спокојство.

Срекна нова 2015 година

Амбасадорката на СР Германија во посета на Кавадарци

Амбасадорката на СР Германија во посета на Кавадарци

Во своја прва официјална посета на Кавадарци престојуваше новиот ополномоштен амбасадор  на СРГерманија во Република Македонија,  нејзината екселенција д-р Кристине Д. Алхаузер.

Градоначалникот на Кавадарци Александар Панов оствари работна средба со амбасадорката при што ја прими во својот кабинет. На средбата Панов најпрвин ја запозна својата гостинка со личната карта на општината претставувајќи ги сите нејзини природно-географски,стопански, културни и туристички аспекти. Потоа се разговараше за досегашната мошне плодна соработка на општината и германската амбасада во делот на културата. Особен акцент во разговорите беше ставен значајниот сегмент во македонско германската соработка на стопански план. Прито од страна на домаќинот Панов беа нотирани и неколку идеи за реализација на проект со кој ќе се симбилиозира заедништвот на Кавадарци и Македонија со СР Германија.

При пресојот во Кавадарци, амбасадорката Алхаузер беше во посети на најголемата германска инвестиција во Македонија, компанијата за производство на електричи компонненти за автомобилската индустрија „Дрекслмаер“, потоа во погоните на втората германска инвестиција во Кавадарци „Кошувчанка-Синалнко“, а нејзината екселенција ја посети најстарата и најголема винарска визба на Балканот „Тиквеш“.

Таа во придружба на домаќинот Панов  имаше и неформална вечера со преставници на бизнис секторот од Кавадарци.

 

41 литар дожд за 8 часа

41 литар дожд за 8 часа

Ноќеска во кавадаречко имаше интензивни врнежи од дожд. Според податоците добиени од метеоролошката станица лоцирана кај СОУ „Ќиро Спанџов Брко“ ноќеска за само 8 часа наврнале  41 литар на метар квадратен дожд. Интензивниот дожд услови утринава да се зголеми водостојот на реката Луда Мара.

Според прогнозата на синоптичарите утре не се очекуваат врнежи од дожд. Ќе имаме сончево време со умерена облачност и умерен до засилен северен ветер, особено изразен долж Повардарието. Поради  продор на студена воздушна маса во Македонија се очекува и пад на утринските и дневните температури. Максималнта дневна ќе достигне до 12 степени.