Категорија: Актуелно

ОТВОРЕНО ИНФОРМАТИВНОТО ТУРИСТИЧКО БИРО

ОТВОРЕНО ИНФОРМАТИВНОТО ТУРИСТИЧКО БИРО

Градоначалникот на Кавадарци м-р Митко Јанчев во придружба на претседателот на советото Ристо Сакалиев официјално го предаде во употреба  Информативно туристичкото биро на улица „7 Септември“, кое се наоѓа на плоштадот веднаш до бистата на Никола Бадев.

Од денеска и официјално сите гости на Кавадарци имаат место каде можат да ги добијат потребните информации за пријатен претстој во градот на грозјето и виното. Општината го отвори ова биро со цел туристите полесно да дојдат до информации како да ги запознаат сите богатства и убавини кои ги имаат градот и Тиквешијата.

Градоначалникот на Кавадарци, Митко Јанчев кој официјално денеска го пушти во работа туристичко-информативното биро нагласи: „Промовирање на винскиот туризам и на другите природни убавини на Општината и регионот е целта на ова туристичко информативно биро. Имаме програма по која ќе работи бирото. Настојуваме да привлекуваме туристи на дневна основа. И еден турист дневно е добро“ вели градоначалникот Јанчев.

Ќе имаме  евиденција и ќе правиме план и програма да привлечеме туристи во Кавадаречка Општина. Производството на грозје и вино ќе ни биде таргет, но овде се и природните убавини на: Моклиште  Витачево, Тиквешко езеро, старите цркви кои привлекуваат внимание“ додаде Јанчев при предавањето во работа на Туристичко информативното биро.

Крсте Соколов, вработен во бирото е задолжен да ги споделува сите потребни информации со туристите. Тој во изјавата за медиумите рече дека ќе се работи и на интензивно привлекување на туристи во Кавадарци и Тиквешијата. Имаме програма, според која сите кои ке дојдат ке имаат можност да ги видат убавините на регионот„ вели Соколов.

Соколов информира дека денеска во Кавадарци пристигнале и првите официјално регистрирани туристи во бирото.  Рече дека станува збор за луѓе од Австрија кои на изложбата на олд тајмери во рамки на гроздоберот ќе презентираат уникатен модел на автомобил БМВ.

Инаку Општната го rеши имотното и просторното парашaње на канцеларијата  која се наоѓа  во строгиот центар на градот на улицата„ 7 Септември“, а уредувањето на самата канцеларија е донација на „Дан-пласт“-Кавадарци.

ОБНОВЕНИ ФАСАДИТЕ НА ТРИ ЗГРАДИ НА  УЛИЦАТА „ИЛИНДЕНСКА“

ОБНОВЕНИ ФАСАДИТЕ НА ТРИ ЗГРАДИ НА УЛИЦАТА „ИЛИНДЕНСКА“

Општина Кавадарци во соработка со дуќанџиите и поголем дел од фирмите кои имаат деловен простор во БИД зпната на улицата „Илинденска“ реализираше проект за освежување на фасадите на три згради.

Според проектот се работеше на крпење и бојадисување на фасадите на три згради кои во пресрет на општинскиот празник 7 Септември и престојниот „Тиквешки гроздобер“ пре кавадарчани гостите од страна ќе блеснат во нов сјај.

Инаку општина Кавадарци со одлука на советото зградите на улицата „Илинденска ги прогласи како објекти од значење за општината, па врз основа на тоа таа и се грижи за нивно зачувување со автентичната архитектура.

ОБНОВЕНИ ФОНТАНИТЕ НА ГРАДСКИОТ ПЛОШТАД

ОБНОВЕНИ ФОНТАНИТЕ НА ГРАДСКИОТ ПЛОШТАД

Општна Кавадарци по подолго време ја стави во функција и големата фонтана на градскиот плоштад. Со тоа трите фонтани на плоштадот работат.

На големата фонтана која беше сериозно оштетена, се изведоа неколку зафати за нејзино санирање. Истата беше префарбана со сина боја, беа отстранети искршените подводни светилки, а во функција се ставиа и млазниците кои пумпаат вода во трите деловои од фонтаната.

Претходно општината превзеде мерки за оспособување и на двете мали кружни фонтани пред општинската зграда.

Известување од ЈП Комуналец

Известување од ЈП Комуналец

Се известуваат граѓаните дека вечерва 29.08.2018 со почеток од 22 часот до 07 часот наутро, ќе се врши обележување на паркинг места на ул.Илинденска.
Се молат граѓаните најкасно до 20 часот да ги дислоцираат сите возила кои се наоѓаат на улицата се со цел непречено да се изврши обележувањето од страна на ЈП Комуналец.
Доколку не се изврши самоволно тргање на возилата од улицата ќе мораме да пристапиме со барање на сопствениците со полициска придружба односно ќе се бараат сопствениците по регистарски таблици и ќе се повикуваат да ги поместат возилата во текот на ноќните часови.

Ви благодариме за разбирањето.

ЈП Комуналец
Кавадарци

ПРОМОВИРАНИ НОВИ ВОЗИЛА ВО ЈП „КОМУНАЛЕЦ“

ПРОМОВИРАНИ НОВИ ВОЗИЛА ВО ЈП „КОМУНАЛЕЦ“

Возниот парк на ЈП „Комуналец“ Кавадарци е збогатен со нов ровокопач и две нови теренски возила со приколка од марката „Дачиа“. Се работи за возила и машина кои ќе го подобрат работењето на јавното претприајтие.

Денеска на промоцијата и предавањето во функција на новите возила присуствуваше и градоначалникот Митко Јанчев, кој нагласи дека со ова продолжува модернизацијата на „Комуналец“ и додаде: „Ова е трета набавка од годишниот план кој го имаме за ЈП „Комуналец“ направена во делот на нова механизацција обновување на механзиацијата дополнување на дејноста на Комуналец, тука станува збор за две теренски возила со приклучна механизација приколка кои ќе служат во делот на секторите на ЈП на одржување на јавна хигиена и во делот на хидроцентралите. Набавивме и четврти скип односно мини скип кој што ќе биде во делот на водовод, за интервенции при дефекти, како и за други интервенции кои што ги има во делот на редовното работење. Оваа инвестиција како трета фаза од вкупната набавка изнесува околу 80 илјади евра. Во септември ја очекуваме и четвртата фаза завршна да ни стигнат уште две машини тоа ќе биде уште една цистерна за перење на улици и голем кипер со кран во делот на ЈП „Комуналец“, изјави градоначаникот Митко Јанчев кој денеска направи увид во набавката на возилата.

Директорот на јавното претпријатие, Ѓорѓи Поп- Ицов изјави „Не застануваме тука ,како што кажа градоначалникот очекуваме уште две нови машини со што ќе биде заокружена планираната набавка за возила значи за поефикасно и поквалитетно работење на Комуналец. Сега веќе имаме два мали ровокопачи или два мали скипа, во договор со градоначалникот е планирано да се набават и два ножа за снег така да во зимски услови кога ќе има потреба од тоа истите скипови ќе бидат пуштени да го чистат снегот по тротоарите, плоштадот и по сите други јавни површини за кои ќе биде одговорен Комуналец“, вели Ѓорѓи Поп Ицев директор на ЈП КОмуналец Кавадарци и додава дека  , едното теренско возило со приколка ќе биде наменета за потребите на малите хидро централи, а другото за потребите на водовод и канализација.