Категорија: Додатни информации

Дуално образование индустриско-дрекслмајер

Дуално образование индустриско-дрекслмајер

Министерката за образование и наука Мила Царовска во придружба на градоначалникот на Кавадарци м-р. Митко Јанчев и претставници на Делегацијата на германското стопанство во Македонија денеска го посетија среднот стручно училиште СОУ „Киро Спанџов Брко“ во Кавадарци каде се реализира дуално образование по германски модел.

Овде трета година успешно се спроведува дуално образование во соработка со германската компанија „Дрекслмајер“. Учениците кои го завршуваат ова образование имаат можност да добијат сигурно вработување во оваа компанија.

Од говорницата пред учениците од третата генерација како и пред гостите Градоначалникот Митко Јанчев посочи дека ова е добар модел за да се произведат профили кои се бараат на пазарот на трудот. Овој тип на образование истакна тој, создава кадар кој квалитетно и соодветно може да одговори на работните задачи во компаниите.

Министерката за образование Мила Царовска вели дека стручното образование продолжува и во услови на пандемија како одговор на потребите на стопанството за квалитетен и добро обучен кадар.

Директорот на СОУ „Ќиро СпанџовБрко“, Драги Ташев е задоволен од досегашната соработка со „Дрекслмајер“ и нагласи дека нивното училиште е прво во земјава каде започна да се спроведува дуално образование.

Проектот за дуално образование го поздрави и Патрик Мартенс директор на Делегацијата на германското стопанство во Македонија.

Во програмата за дуално образование се вклучени 7 училишта од 7 општини и 12 компании. Покрај во кавадаречкото училчиште дуалното образование  се реализира  и во градовите: Велес, Охрид, Битола, Прилеп, а од оваа година во Скопје и Тетово.

ГРАДСКИОТ СТАДИОН ВО КАВАДАРЦИ ДОБИВА ПОТПОЛНО НОВ ЛИК

ГРАДСКИОТ СТАДИОН ВО КАВАДАРЦИ ДОБИВА ПОТПОЛНО НОВ ЛИК

Општина Кавадарци, Агенцијата за млади и спорт и Фудбалската федерација на Македонија со заедничка инвестиција го реконструираат градскиот стадион.

Деновиве привршуваат градежните работи на реконструкција и доградба на источната трибина, по што работите ќе се насочат кон реализација на новото проектно решение за изградба на јужната трибина која ќе биде целосно покриена со кровна конструкција.

После реконструкцијата на трибините, на стадионот ќе бидат поставени 2000 нови столчиња кои веќе се набавени.

Претходно беше отстранета старата трева од фудбалскиот терен, кој потоа доби нова подлога со систем за наводнување и дренажа. Врз него се поставиа нови бусени трева, кои добро ја прифатиа новата подлога и сега се во одлична состојба.

Во последната фаза од реконструкцијата на градскиот стадион, Општина Кавадарци целосно ќе ги обнови и модернизира соблекувалните и останатите простории во рамки на стадионот.

ЈАНЧЕВ НА СВЕТА БОЖЕСТВЕНА ЛИТУРГИЈА ВО ЧЕСТ НА Св.„ТРИФУН

ЈАНЧЕВ НА СВЕТА БОЖЕСТВЕНА ЛИТУРГИЈА ВО ЧЕСТ НА Св.„ТРИФУН

Градоначалникот на Кавадарци м-р Митко Јанчев во чест на православниот празник Свети „Трифун“ утринава присуствуваше на Света божествена литургија која се одржа во соборната црква Св.„Петка“.  Литургијата ја одржаа свештениците од намесништвото во Кавадарци, а на истата присуствуваа и монаси од братсвото на манастирот Св. „Јован“  Бигорски.

Со литургијата официјално започна одбележувањето на преавославниот христијански празник Св. „Трифун“ кој кавадарчани го празнуваат како заштитник на лозарите.

Централната свеченост во чест на празникот ќе се одржи на градскиот плоштад каде ќе се изврши традиционалното закројување на виновата лоза од страна на градоначалникот и неговите гости.

Општината во чест на празникот денеска од 13:00 часот организира и културно уметничка програма која ќе продолжи и вечерва со централниот настап на Игор Џамбазов и „Гуру Харе Бенд“.   

Закројувањето е практично вовед во новата лозарска сезона која ќе заврши со „Тиквешкиот гроздобер во септември.

СЕ ПОДГОТВУВА ПОДЛОГАТА ЗА НОВА ТРЕВА НА ГРАДСКИОТ СТАДИОН

СЕ ПОДГОТВУВА ПОДЛОГАТА ЗА НОВА ТРЕВА НА ГРАДСКИОТ СТАДИОН

Агенцијата за млади и спорт и општината Кавадарци продолжуваат со гардежните работи на „Градскиот стадион“. Ангажираната оператива деновиве работи на нивелирање на земјената подлога како подготовка за поставување систем за дренирање, потоа линија за полевање и на крајот бусени нова трева

Според проектот најпрвин целосно беше отстранета старат трева, а подлогата под неа се подготви за следните делови од процесот за реконструкција на теренот.

Градкиот фудбалски стадион освен промената на сегашната подлога со нова трева, ќе добие и современо осветлување за одигрување на ноќни натпревари.

Сегашната трева на теренот, беше поставена летото 1968 година пред стартот на првенството вотогашната југословенска Втората сојузна фубалска лига- група исток, каде Тиквеш за прв пат се натпреваруваше во сезоната 1968/1969 година.