Категорија: Спорт

Отворена спортската сала во ООУ „Тоде Хаџи Тефов“ Кавадарци

Отворена спортската сала во ООУ „Тоде Хаџи Тефов“ Кавадарци

Во Кавадарци денеска беше пуштена во употреба новоизградена училишна спортска сала во Основното општинско училиште “Тоде Хаџи Тефов”, 56 години по отварањето на оваа воспитно образовна установа.

-Се работи за училиште со голема традиција на квалитетен наставен кадар и голем број на успешни ученици, рече директорот Никола Нешковски.

Појасни дека реновирани се и спортските терени, со што учениците имаат целосен комплекс за наставата по физичко и здравствено образование.

-Во 21 век младите постојано се изложени на опасност од најразлични пороци кои се огромен проблем за градење на успешна иднина. Токму ваквите услови за развој на психофизичкиот развој преку спортот, се најдобра алатка за избегнување на пороци, нагласи Нешковски.

Градоначалник Митко Јанчев рече дека е штета што некои училишта сеуште немаат спортски сали. Изрази надеж дека во наредниот период заедно со Министерството за образование и Агенцијата за млади и спорт, ќе се успее сите училишта во општината да добијат сали за спортски активности. Ќе се настојува исто така да се обезбедат и други слични објекти.

-Општина Кавадарци е на прав правец, оваа година имаме запишано повеќе првачиња со десет проценти од претходната година,тоа е еден добар и мил податок, од душа да кажеме дека имаме поголем наталитет и поголем развој во општината. Исто така овие ученици кои имаат завршено деветто одделение кои ги запишуваат во средните училишта се исто така со поголем број, тоа значи дека и од другите соседни општини имаме запишано ученици овде, нагласи Јанчев.

 

 

АСФАЛТНА ПОДЛОГА НА АТЛЕТСКАТА ПАТЕКА НА СПОРТСКИОТ ЦЕНТАР

АСФАЛТНА ПОДЛОГА НА АТЛЕТСКАТА ПАТЕКА НА СПОРТСКИОТ ЦЕНТАР

Општина Кавадарци го заокружува проектот за обновување и урбанизирање на атлетската патека на спортскиот центар „Јасмин“.

Оперативата на ангажираниот носител на јавната набавка на однапред подготвената подлога поставува асфалт на вкупна површина од 3.150м2, со дебелина од 5 цм.

Покрај асфалтирањето на атлетската патека, проектот опфати  нејзино проширување на делницата од 100 метри, како и ревитализација на јавното осветлување.

Со овој проект општината создава услови за по оптимално користење на спортскиот центар, пред се од големиот број рекреативци, а воедно овозможува и услови на основните и средните училишта за користење на патеката за изведување часови по физичко воспитување, како и за организирање на атлетски натпревари од понизок ранг.

ОБНОВЕНО ЈАВНОТО ОСВЕТЛУВАЊЕ НА АТЛЕТСКАТА ПАТЕКА НА СЦ „ЈАСМИН“

ОБНОВЕНО ЈАВНОТО ОСВЕТЛУВАЊЕ НА АТЛЕТСКАТА ПАТЕКА НА СЦ „ЈАСМИН“

Деновиве непречено се одвиваат градежните работи за ревитализација на дел од Спортскиот центар „Јасмин“. Паралелно со градежните работи се врши реконструкција на постојното јавно осветлување за да се подобри видливоста во ноќните часови. На постојните 14 канделабри ќе се постават нови ЛЕД светилки „дво-крака конзола“ со што ќе се подобри осветлувањето.

Поради проширување на атлетската патека на западната страна од теренот се изврши поместување на 4 канделабри за 70 сантиметри кон оградата.

Инаку согласно проектот ќе се изврши ревитализација и подобрување на подземната електрична мрежа, а ќе се постават изводи и за приклучување на дополнителни рефлектори.

ПОСТАВУВАЊЕ НА ИВИЧНИЦИ НА АТЛЕТСКАТА ПАТЕКА

ПОСТАВУВАЊЕ НА ИВИЧНИЦИ НА АТЛЕТСКАТА ПАТЕКА

Градежната фирма „Градба промет“ од Кавадарци работи на обновување на атлетската патека на Спортскиот центар „Јасмин“. Патеката од внатрешната и надворешната страна ќе биде обградена со нови ивичници во вкупна должина од 845 метри. Во тек е поставувањето на ивичниците кои треба да ја оформат новата контура на атлетската патека. Воедно на западната страна ќе се изврши проширување на патеката и нејзино продолжување кон север за да се оформи патека за трка на 100 метри.

Според проектот постојната земјена подлога ќе биде заменета со асфалт на вкупна површина од 3.150м2.

Инаку Општина Кавадарци во наредниот период планира нови проекти со кои ќе се подобрат условите за рекреација и одмор на најомиленото и најпосетено место од граѓаните рекреативци.

ЈАВЕН ПОВИК бр.1/2017 за прибирање на апликации за финансиска подршка од буџетот на Општина Кавадарци за 2018 година, наменети за спортисти, спортски клубови, професионални клубови регистрирани на подрачјето на општина Кавадарци, општински и училишни сојузи

ЈАВЕН ПОВИК бр.1/2017 за прибирање на апликации за финансиска подршка од буџетот на Општина Кавадарци за 2018 година, наменети за спортисти, спортски клубови, професионални клубови регистрирани на подрачјето на општина Кавадарци, општински и училишни сојузи

Врз основа на член 3 од Правилникот за начинот, постапката и критериумите за финансирање на прграми, проекти, натпревари и манифестации од областа на спортот од интерес на Општина Кавадарци бр.07-873/29 од 28.02.2014 година (“Сл.Гласник на Општина Кавадарци” бр.13/2014) ,

ОПШТИНА КАВАДАРЦИЛОКАЛНА САМОУПРАВА

Објавува ЈАВЕН ПОВИК бр.1/201за прибирање на апликации за финансиска подршка од буџетот на Општина Кавадарци за 2018 година, наменети за спортисти, спортски клубови, професионални клубови регистрирани на подрачјето на општина Кавадарци, општински и училишни сојузи

Јавен повик