Категорија: Спорт

ПРИВРШУВА САНАЦИЈАТА НА ГРАДСЈИОТ СТАДИОНИ СЕВЕРНАТА ТРИБИНА

ПРИВРШУВА САНАЦИЈАТА НА ГРАДСЈИОТ СТАДИОНИ СЕВЕРНАТА ТРИБИНА

Општината Кавадарци после превземањето на Градскиот стадион, систематски работи на санирање на инфраструктурата. Деновиве во завршна фаза се работите околу поставувањето на дрвени седишта на северната тибина. Претходно оперативата на фирмата „Градба промет“ од Кавадарциизврши санација на рушениот ѕид на спојот меѓу источната и северната трибина, апотоа беа санирани големите оштетувања на бетонот на просторот за седење. По таа санација се пристапи кон поставување на дрвените седишта. Со овој зафат во многу се подобриа условите за следење на натпреварите на ГФК „Тиклвеш“. Овој зафат се финансира од програмата за комунална изградба, а парите се од општинскиот буџет.

Во посета на објектот беше градоначалникот Александар Панов. Тој изрази задоволство од квалитетот на работата, а посетата ја искористи во присуство на медиумите да потсети дека Општината под негово водство континуирано вложува во подобрување на инфраструктурата во спортот. Панов нагласи дека во периодот 2013-2017 според Програмата за сопорт и млади, од опшптинскиот Буџет, се обезбедени вкупно  15.200.000 денари. Од овие сретства на спортските клубови и здруженија се исплатени 11.180.000 денари. Останатите се вложени во проекти, турнири и манифестации.

 

Тениски турнир за јуниори и јуниотки до 16 години

Тениски турнир за јуниори и јуниотки до 16 години

Градоначалникот Александар Панов денеска во кабинетото приреди прием за делегацијата од тенискиот турнир „Црна Река Опен“ Кавадарци. На овој прв меѓународен тениски турнир за млади категории за јуниори и јуниотки до 16 години кој се организира на терените  на Спортскиот центар „Јасмин“ учествуваат седумдесет тенисери од: Израел, Кипар, Англија, Норвешка, Русија, Украина, Австралија, Филипини, Франција, Словенија, Хрватска, Србија, Грција и Македонија.

Во делегацијата која имаше средба со градоначалникот Панов беа: директорот на турнирот Лазе Мицев, претставникот на „Tenis Europe“ Антонио Радојничкиќ, потоа првата носителка во женска категорија Теодора Ристиќ од Србија, тенисерката  Лада Баглаева од Австралија, како и домашната натпреварувачка кавадарчанката Теодора Мицева од ТК „Црна Река“.

„Mи преставува чест што во Кавадарци се одржува силен турнир за тенисери и тенисерки до 16 години. Се надевам дека од овој турнир и од сите идни што ќе се одржуваат ќе произлезе некое големо име, шампион од европски и светски размери кое ќе има добри спомени од Кавадарци. Моето најголемо задоволство е што нашите деца од Кавадарци се занимаваат со овој спорт, со нешто што е креативно при што го јакнат својот дух и стануваат работоспоособни и ментално здрави. Од мое име сакам на сите учесници од 16 земји да им посакам срдечно добредојде и убав престој во Кавадарци, и да победат најдобрите. Имам посебна желба, учесник на овој турнир биде победник на некој голем светски турнир,,-изјави градоначалникот Александар Панов.

Антоние Родојничкиќ преставник на „Tenis Europe“ вели дека овој турнир во Кавадраци е дел од проектот на Македонската тениска федерација во рамките на календарот за натпреварување. Ова година сме застапени со два турнири до 14 и 16 години. За Турнирот во Кавадарци се одзваа масовен број учесници од 16 држави. Финалните натпревари се закажани за петок и сабота и задоволни сме од условите за одвивање на ова Европско првенство.

Од името на домакинот- организатор ТК „Црна Река“Лазе Мицев вели дека тенисерите се задоволни од условите за натпреварување и престој во Кавадарци.

Упати благодарност и до коегите од Неготино каде паралелно со мечевите во Кавадарци се играат дуели и на тениските терени до спортската сла во соседниот град.

Турнирот започна во онеделникот на 3 август, а ќе се игра до недела 9 август кога ќе се играат и финалните средби на тениските терени на тенискиот клуб „Црна Река“ од Кавадарци.

Според официјалната листа на тенисери овој исклучително силен турнир е дел од календарот на Tenis Europe, а на истиот боите на Македонија  ги бранат вкупно 15 тенисери, меѓу кои се и кавадарчанките Теодора Мицева и Микаела Чејкова.

Прием за кошаркарите од гимназијата

Прием за кошаркарите од гимназијата

Кошаркарската репрезентација на гимназијата „Добри Даскалов“ предводена од   тренерот Ифтимчо Пецов професор по физичко и, претседателот на Сојузот на училишен спорт на Кавадарци Миланчо Колев денеска беше применена од градоначалникот на општина Кавадарци, Александар Панов.

Тие триумфираа на Државното првенство во кошарка за средни училишта кое се одржа во Кавадарци. Со максимални четири убедливи победи, кавадаречките гимназијалци во голем стил ги запишаа своите имиња до славната генерација нивни претходници предводена од Тодор Гечевски која пред 19 години исто така го освои трофејот за најдобр средношколски кошаркарски тим во Македонија.

Градоначалникот Панов им честиташе на успехот, бидејќи не е мала работа да бидат први меѓу стотина екипи од средните  училишта во државата. Тој на средбата беше информиран за идеите на тимот за натамошно дејствување, а им вети дека е  на располагање да им помогне секогаш кога ќе им биде потребна помош од локалната самоуправа која е подготвена обезбеди  можност младите кошаркари да ја претстават општината надвор од Македонија во содејство со Сојузот на училишни спортови на Македонија .

„Секогаш кога имаме високи достигнувања на било кој млад талент или екипа, редот е да направиме прием за  дополнително да ги окуражам за нивите натамошни настапи. Не  е мало достигнувањето да бидете први во Македонија. Сите овие достигнувања се прават со однапред подржана активност на Сојузот на училишни споротиви и преку нивниот тренер и неодминливиот талент да се биде првак на Македонија не е мала работа. Од мене беше дадена целосна подршка. Си земав за обврска да контактирам со КК “Фени Индустри“ да сенаправат одредени корекции во политката на клубот овие деца да бидат повеќе застапени и да во иднина секогаш имаме некој репрезент во клубот Фени, бидејќи сум убеден декане е добро, клубот кој доаѓа од град со докажани кошаркарски таленти и репрезентативци како Врбица Стефанов, Тодор Гечевски, Ристе Стефанов и Горан Самарџиев, да остане само со играчи надвор од Кавадарци“ рече Панов.

Капитенот на кошаркарскиот тим од гимназијата „Добри Даскалов“Милков Милан го искажа задоволството да се предводи тим кој постигна одлични резултати на државното првенство во кошарка.

„Не беше многу лесно. Во секоја утакмица влеговме маклсимално сконцентрирани. Иако некои екипи важеа за псолаби со максимално залагање успеавме да ги победиме сите противници“ рече Милков.

16 меморијален фудбалски турнир – Вуко Каров

16 меморијален фудбалски турнир – Вуко Каров

По три години пауза, „бубамарата“ повторно се „тркалаше“ на градскиот стадион во Кавадарци во чест на Вуко Каров и кавадаречките фудбалски легенди.

Пред повеќе од 1000 вљубеници во фудбалот кои максимално го искористија топлото февруарско сонце да уживаат во ретката можност да уживаат во квалитетен фудбал, враќањето на традиционалниот меморијален турнир „Вуко Каров“ го поздравија претседателот на фудбалската федерација на Македонија, Илчо Ѓорѓиоски и градоначалникот на општина Кавадарци, Александар Панов, кои констатираа дека турнирот „Вуко Каров“ е еден од препознатливите белези на Кавадарци и на фудбаслска Македонија.

По поздравните говори, внукот на Вуко Каров, Тоше Каров и градоначалникот Александар Панов го изведоа почетниот удар и ја најавија фудбалската возбуда, која не изостана и покрај скратениот формат на натпреварување и различниот натпреварувачки ранг на екипите учеснички, Победа од Прилеп, Хоризнот Турново и домаќинот Тиквеш 2014.

Во првиот натпревар, играчите на Тиквеш 2014 докажаа дека не им е местото во четвртата лига, играјќи нерешено 1:1 против прилепска Победа која пролетва сериозно ќе атакува на влез во второлигашкото друштво. Јованов му донесе предност на Тиквеш 2014, но Тони Мегленски изедначи на 1:1.

Во вториот натпревар, Хоризонт Турново иако беше послаб противник во првите 20 минути од играта, сепак го искористи своето прволигашко искуство и со головите на Марков и Ташев си обезбеди триумф од 2:0. Идентичен беше резултатот и во третиот натпревар, во кој Ташев и Мавров погодија за Хоризонт во победата над Тиквеш 2014, иако резултатот можеше да биде многу поинаков доколку домаќините ги искористеа своите шанси.

Максималниот ефект на Хоризонт Турново ги промовираше во победници на шеснаесетиот меморијал, додека Победа и Тиквеш 2014 со идентичен скор во групниот систем го поделија второто место. Сосема очекувано играчите на Хоризонт Турново доминираа и во поединечните категории, па пехарот за најдобар стрелец на турнирот кој го доделува фамилијата Карови заврши кај Марјан Ташев, додека Митко Мавров беше прогласен за најдобар играч.