Категорија: Урбанизам и Комунални дејности

РЕВИТАЛИЗИРАН ДЕЛ ОД „СЕВЕРЕН БУЛЕВАР“

РЕВИТАЛИЗИРАН ДЕЛ ОД „СЕВЕРЕН БУЛЕВАР“

Со завршните работи од реконструкцијата на делница од „Северен булевар“ се постави вториот слој „асфалт-бетон“ со дебелина од 6 сантиметри во должина од 450 метри со што овој потег од заобиколницата ќе биде со подобрени перформанси.

Проектот во вредност од 8.526.000 денари покрај асфалтирањето, опфати прво отстранување на стариот оштетен и дотраен асфалт на површина од 3.400м2, при што целосно беше извадена старата подлога.

Во правец на подобрување на носивоста, согласно повисоките применети стандарди на нејзино место се постави „гео композит“, како и нов слој дробен камен од 40 сантиметри како подлога на која се нанесоа два слоја асфалтна маса со вкупно 15 сантиметри.

Со овој проект носивоста  на подлогата на оваа делница е повеќекратно подобрена.

Во оваа фаза се ревитализира потегот од спојот на Северен со Западен булевар, па до спојот со булеварот „Никола Минчев“.

Реконструклцијата е проект на општината преку Вардарскиот плански регион, а во наредната фаза општината ќе пристапи кон ревитализација на преостанатиот дел од „Северен булевар“ преку проектот со Светска Банка за ревитализација на главните улици во Кавадарци.

ПОПЛОЧУВАЊЕ НА УЛИЦИ ВО МААЛОТО „КРИВАТА ЧЕШМА“

ПОПЛОЧУВАЊЕ НА УЛИЦИ ВО МААЛОТО „КРИВАТА ЧЕШМА“

Согласно програмата за комунална изградба Општина Кавадарци реализира проект за ревитализација на две улици во „Кривата чешма“.  Се работи за инвестиција од 590.000 денари, средства од општинскиот буџет со кои се ревитализира вкупна површина од 565 м2, на делови од улиците „Никола Карев“ и „Кожув“.

На улицата „Никола Карев“ ангажираната градежна оператива најпрвин го отстрани оштетениот и дотраен асфалт, а на негово место постави тампон и бехатон плочки.

На улицата „Кожув“ исто така ќе се постават павер елементи и тоа на површината од која претходно беше отстранета старта и деформирана подлога од гранитни коцки.

Со ревитализацијата на овие две улици општина Кавадарци повторно излезе во пресрет на барањата на граѓаните за создавање на услови за попристојо комунално уредување и подобрени комуникации.

АСФАЛТИРАЊЕ НА ДЕЛНИЦА ОД „СЕВЕРЕН БУЛЕВАР“

АСФАЛТИРАЊЕ НА ДЕЛНИЦА ОД „СЕВЕРЕН БУЛЕВАР“

Согласно проектот кој општина Кавадарци го реализира преку Вардарскиот плански регион, започна завршната фаза од реконструкцијата на делница од „Северен булевар“. Во оваа фаза се ревитализира потегот од спојот на Северен со Западен булевар, па до спојот со булеварот „Никола Минчев“.

Ангажираната оператив го постави првиот слој „носив асфалт“ со дебелина од 9 сантиметри на делницата од 450 метри. Потоа ќе уследи поставување на вториот слој „асфалт-бетон“ со дебелина од 6 сантиметри со што оваа делница од заобиколницата ќе биде со подобрени перформанси.

Целиот проект во вредност од 8.526.000 денари покрај асфалтирањето, опфати прво отстранување на стариот оштетен и дотраен асфалт на површина од 3.400 м2, при што целосно беше ископана цлета стара подлога.

Во правец на подобрување на носивоста согласно повисоките применети стандарди на нејзино место се постави „гео композит“ (специјална мрежа) како и нов 40 сантиметри слој дробен камен како подлога на која се нанесуваат вкупно 15 сантиметри сфалтна маса во два слоја.

Со овој проект носивоста  на подлогата на оваа делница е повеќекратно подобрена.

Во наредната фазаз општината ќе пристапи кон ревитализација на преостанатат делница од „Северен булевар“ преку проектот со Светска Банка за ревитализација на главните улици во Кавадарци.

АСФАЛТИРАНА УЛИЦАТА „ТОДЕ МАЈСТОРЧЕВ“

АСФАЛТИРАНА УЛИЦАТА „ТОДЕ МАЈСТОРЧЕВ“

Уште една кавадаречка улица доби нов асфалт. Општина Кавадарци преку ангажираната фирма „Градба промет“ ја ревитализираше улицата „Тоде Мајсторчев“. На површина од 680м2 се постави нов слој асфалт.

Претходно беше отсранета старата и оштетена асфалтна подлога во должина од 160 метри, после што уследи постапка на подготовка со тампонирање и асфалтирање.

Со реализацијата на овој проект општината излезе во пресрет на барањата на жителите од овој дел на Кавадарци за подобрување на стандардите на живеење.

Рушење на  склонопадните куќи на улица Страшо Пинџур

Рушење на склонопадните куќи на улица Страшо Пинџур

По долг временски период од речиси 60 години се рушат склонопадните куќи кај триаголникот. По рушењето ќе се изгради и тротоар и оваа црна точка во сообраќајот ќе стане безбедно место за сообраќај и за пешаците. Надлешните службите веднаш реагираа со чистење и миење на просторот.