Категорија: Настани

Онлајн дискусија и работилница на тема ” Дефинирање на индикатори за ризиците од корупција во јавните набавки на јавните претпријатија

Онлајн дискусија и работилница на тема ” Дефинирање на индикатори за ризиците од корупција во јавните набавки на јавните претпријатија

Денес беше одржана онлајн дискусија и работилница на тема ” Дефинирање на индикатори за ризиците од корупција во јавните набавки на јавните претпријатија”.
Настанот се организираше во рамките на проектот “Кон отчетни јавни претпријатија” кој се спроведува од страна на Центарот за граѓански комуникации со финансиска помош од Кралството на Холандија.
Проектот предвидува градење на капацитети за борбата против корупција на 40 претпријатија основани од Градот Скопје и општините Кавадарци, Гостивар и Струга.

ПОТПИШАН МЕМОРАНДУМ ЗА СОРАБОТКА НА ОПШТИНАТА СО МАКЕДОНСКИОТ ПОЛИЦИСКИ СИНДИКАТ

ПОТПИШАН МЕМОРАНДУМ ЗА СОРАБОТКА НА ОПШТИНАТА СО МАКЕДОНСКИОТ ПОЛИЦИСКИ СИНДИКАТ

Денеска во кабинетот на градоначалникот на општина Кавадарци Митко Јанчев беше потпишан меморандум за соработка меѓу општината и македонскиот полициски синдикат.

Документот го потпишаа градоначалникот Јанчев во име на општината и Марјан Кицев претседател во името на македонскиот полициски синдикат.

Предмет на меморандумот е искрената намера на двете страни активно да соработуваат во насока на поддршка на активностите, како и на визиите во натамошното заедничко делување. Една од главните цели е подобрување на социјалниот статус на членовите на овој синдикат вработени во институциите столбови на безбедноста на државата.

Двете страни парафираа согласност и за заедничко делување и придонес на секоја од потписничките во рамките на своите надлежности и можности.

Градоначалникот на Општина Пустец во посета на општина Кавадарци

Градоначалникот на Општина Пустец во посета на општина Кавадарци

Денес во посета на Општина Кавадарци беше Градоначалникот на Општина Пустец г-дин Пали Колефски. Беше остварена средба преку која се разменија искуства од работата на двете општини.
Исто така на средбата присуствуваше и агроном од Општина Пустец кој разговараше со агрономи од Општина Кавадарци и беа разменети искуства.

Потпишан Меморандум за соработка меѓу здружението Форум ЦСУД и Општина Кавадарци

Потпишан Меморандум за соработка меѓу здружението Форум ЦСУД и Општина Кавадарци

Двете страни ќе соработуваат во процесот на изработка на документ „Стратегија за соработка со граѓанскиот сектор 2021-2025 на Општина Кавадарци“. Овој процес ќе има за цел да обезбеди инклузивност и учество на граѓанскиот сектор во процесите на дефинирање на развојните активности и иницијативи на Општина Кавадарци, како и да создаде предуслови за креирање на ефикасни партнерства за поттикнување на граѓанскиот активизам во општината и за развој на локалните граѓански организации.
Документот ќе биде подготвен од страна на здружението Форум ЦСИД врз основа на процес на стратешко планирање со кој на консултативен и партиципативен начин, со значителна вклученост на граѓанските организации и општинската администрација ќе се идентификуваат сегашните и идните потреби на граѓанскиот сектор од Општина Кавадарци.