Категорија: Настани

РАБОТИЛНИЦА ЗА КОРИСНИ ПРАКТИКИ НА ЕУ ЗА ЗЕМЈИТЕ КАНДИДАТКИ

РАБОТИЛНИЦА ЗА КОРИСНИ ПРАКТИКИ НА ЕУ ЗА ЗЕМЈИТЕ КАНДИДАТКИ

Општина Кавадарци во рамките на проектот ,,Но ГАП,, учествува на меѓународната конференција за општините. Конференцијата се одржува во Валенсија -Шпанија. Во проектот учетвуваат делегации од општини од Словенија, Шпанија, Италија, Литванија, Латвија, Кипар, Бугарија, Србија и Словачка. Кавадарци е единствена општина од Македонија вклучена во овој проект кој е финансиран од Европската унија, програма „Европа за граѓаните”.

На конференцијата се обработуваат следниве теми: Општинските асоциации како модел за одржлив развој, Добри практики и искуства на шпанските општини. Партиципаторната демократија клучен елемент за локалниот еконмски развој. На работилницата ќе се обработи и темат Партиципаторната демократија во европските институции во решавањето на проблемите од областа на социјалната сфера и решаванњето на невработеноста, по што ќе следи Размена на искуствата помеѓу општините учеснички

Проектот започна на 1 јануари 2016 година и ќе трае 2 до 5 години. Мрежата ќе стимулира нови размислување за смислата на Европската унија, со што Европската Партиципаторна демократија ќе се претставува пред граѓаните на идните земји членки.

„Што можат 14 партнери од 9 земји од ЕУ + 3 земјите партнери, Македонија, Србија и Албанија, за да се одговори на потребите на нивните заедници за подобро разбирање на значењето на поимот „Европско граѓанство” и, во исто време, директно да придонесат за изградбата на иднината на ЕУ?, е клучното прашање на оваа работилница.

Одговорот е “Не-ГАП: мрежата на организации и градови која ќе расте преку активно учество”, мрежа на 6 општини, 2 националните асоцијации на општините, 1 Агенцијата за општините и 5 организации на граѓанското општество. Таа е создадена со намера да отвори дискусија околу ЕУ, со што недовербата на граѓаните ќе се претвориво простор за подобро разбирање на ЕУ, нејзините институции и нејзиниот систем на Партиципатиорната демократија. На овој начин тие ќе научат како да се направи нивниот глас да се чуе на европско ниво и како директно да придонесат за иднината на Европа. Што е уште поважно, најдобрите практики на локалните самоуправи  со активно учество ќе бидат разменети меѓу партнерите.

ОПШТИНАТА КАВАДАРЦИ ДОБИ НОВ ПРИЈАТЕЛ ВО ГРАДСКАТА ОПШТИНА ПАНТЕЛЕЈ ОД НИШ – СРБИЈА

ОПШТИНАТА КАВАДАРЦИ ДОБИ НОВ ПРИЈАТЕЛ ВО ГРАДСКАТА ОПШТИНА ПАНТЕЛЕЈ ОД НИШ – СРБИЈА

Градоначалникот на Кавадарци Александар Панов и градоначалникот на градската општина Пантелеј од Ниш, Братимир Васиљевиќ потпишаа Меморандум за соработка на двете општини. Со чинот на потпишувањето на зедничкиот документ што се случи во рамките на возвратната посета на градоначалникот на Кавадарци на општината Пантелеј, се означи почетокот на нова меѓународна соработка на општината Кавадарци.

По чинот на потпуишувањето на документот за соработка кавадаречкиот градоначалник посочи: „Ова е почеток на мошне значајна соработка на општината Кавадарци со пријателска општина во Србија. Блискоста на двата пријателски народи пред се во менталитетот е основата на која е базира нашата нова соработка. Морам да нагласам дека при ваквите настани на официјализирање на нова соработка мој приоритет секокаш е воспоставувањето на економските врски. Соработката во културата и спортот  секогаш се лесно остварливи, но вистинската соработка е вовоспоставувањето на нови и обновувањето на старите економски врски во економијата. Затоа веќе на наредната средба која ќе се случи мошне бргу главниот збор ќе го имаат бизнисмените преку контакти на Регионалната стопанска комора од Кавадарци и нивните партнери од Ниш Република Србија“.

ЗЕМЈОДЕЛЦИ ОД ТИКВЕШКО СЕ ОБУЧУВААТ ЗА ОРГАНСКО ПРОИЗВОДСТВО

ЗЕМЈОДЕЛЦИ ОД ТИКВЕШКО СЕ ОБУЧУВААТ ЗА ОРГАНСКО ПРОИЗВОДСТВО

Голем број земјоделци од Кавадарци, Росоман, Неготино и Демир Капија учествуваа во обуката за органско земјоделско производство организирана од Центарот за развој на вардарски плански регион. Предавањата се одрѓаа во големата сала на општина Кавадарци

Обуката е дел од проектот на Програмата за развој на Обединетите нации УНДП, имплементирана од Центарот за развој на Вардарскиот плански регион. Проектот е насловен „Поддршка и промоција на препознатливо стопанско туристички настани и мапирање на форми на рурален туризам”.

Целта на оваа обука е да се соберат сите индивидуални земјоделци од Кавадарци, Неготино, Демир Капија и Росоман, кои произведуваат земјоделско  производство и да се запознаат со сите бенефити на самото органско производство. Органското производство е тренд во денешно време. Оваа обука е последна во оваа сесија на обуки кои ги одржува Центарот за развој при Вардарскиот плански регион, откако претходно имавме слична ваква обука наменета за микрорегионот Свети Николе и Лозово, рече во изјава за медиумите,  Снежана Митрова од Вардарски плански регион. Предавач беше агрономот Иван Стојанов.

„Органското производство претставува систем кој го одржува здравјето на почвата, екосистемот и луѓето. Се базира на еколошки процеси, биодиверзитет и производство прилагодено на локалните услови со ограничена употреба на инпути. Органското производство е тренд во светот, а е комбинација на традиција и новитети во науката,  со цел за остварување на заедничка корист и промоција на фер односи и добар квалитет на живот за сите кои се вклучени во овој систем на производство“ рече меѓу другото Стојанов пред земјоделските производители.

 

„КЛАСТЕРСКА КОНКУРЕНТНОСТ ЗА БИЗНИСИ“

„КЛАСТЕРСКА КОНКУРЕНТНОСТ ЗА БИЗНИСИ“

Општина Кавадарци вчера организираше работилница на тема „Кластерска конкурентност за бизниси“. Работилницата е дел од  активностите на проектот „Бизнис информативен, иновативен центар и МИЦЕ Акции“ финансиран од Програмата за прекугранична соработка 2007-2013 на Европската Унија.

Партнери во овој проект се општина Кавадарци од македонска и општина Едеса од грчка страна како земја членка на Европската Унија. На работилницата беа поканети гости од бизнис секторот од Кавадарци како и нивни колеги претставници на бизнис секторот  од Едеса- Република Грција.

Во воведниот дел претставување на проектот „Бизнис информативен центар“ имаа раководителот на Секторот за локален економски развој во општина Кавадарци г. Тодор Ефремов од македонска и Евангелос Кириаку директор бирото за туризам на градот Едеса. Тие преку своите излагања ги запознаа присутните со целите на овој проект кој е значаен за двете општини пред се во приближувањето на економската соработка во која спаѓа и туризмот.

Пред присутните зборуваше и г.Беким Хаџиу раководител на  Секторот за туризам од Министерството за економија во Владата на Република Македонија.

Во работниот дел на средбата најпрвин зборуваше професорката Габриела Ракичевиќ од факултетот за туризам и угостителство од Охрид. Нејзиното предавање беше на тема „Улогата на менаџментот во организацијата на услужните дејности“. Ана Амбаркова Агент за развој на кластерите имаше излагање на тема „Улогата на кластерите во развојот на конкурентните економии“.

Александар Ристевски претседател на кластерското здружение „Тиквеш“ зборуваше на тема „Искуствата од кластерското здружување“ притоа ставајќи акцент на искуствата од работата на здруженито од Тиквешкиот регион. На иста тема говореше и Сакис Димтсис претставник на општината Едеса при што ги пренесе искуствата од работата на

Кластерските здруженија во Република Грција пред се во развојот на  алтернативниот туризм.

Присутните имаа можност да проследат предавања на теми и искуства од кластерското здружување што ги презентираа експерти од Македонија и Грција.

Крајната цел од вчерашната средба е да се потенцираат придобивките од  клатсерското здружување на бизнис секторотпред се за малите и средни претпријатија. Зајакнувањето на овој принцип на работа  ќе биде од големакорист за сите чинители пред се во секторот туризам.

Работилницата се одржа во просториите на Винарската Визба „Тиквеш“ во Кавадарци.

72 ГОДИНИ СЛОБОДНО КАВАДАРЦИ

72 ГОДИНИ СЛОБОДНО КАВАДАРЦИ

Општина Кавадарци со свечена седница на Советот на Општината, денеска на 7 Септември ќе ја одбележи 72 годишнината од ослободувањето. Свеченостите започнаат претпладнето кога делегации од општината, сојузот на борци и почитувачи на придобивките од НОБ, делегации на политичкиот и културниот живот предводени од градоначалникот Александар Панов ќе положат букети свежо цвеќе пред споменикот на слободата и револуцијата на градскиот плоштад. Во Домот на културата „Иван Мазов-Климе“ вечер со почеток во 19:30 часот ќе се одржи Свечената сеница на Советот, со свечена академија. Пред присутните свое обраќање ќе има градоначалникот Александар Панов.

На свечената седница ќе се доделат и признанијата на годинашните добитници на највисокото општинско признание, наградата „7 Септември“. Со одлука на Советот на општината лауретаи за 2016 година се: Академик Глигор Чемерски-постхумно, како знак на општествено признание за посебен придонес во уметноста, примариус д-р Бранко Поповски за посебен придонес во здравството и Благој Пешиќ за постигнувања во развојот на стрелаштвото. Советот ги награди со плакета и диплома „7 Септември“.

На свечената академија во чест на празникот на градот во културно уметничкиот дел ќе настапат репродуктивните уметници: Силвана Чулева-Атанасова на флејта, Емилија Кабранова-Филипова клавир и Лазар Соколов кларинет. Овие истакнати репродуктивни уметници ќе се претстават со популарни класични дела на од странски и домашни композитори.