Автор: Општина Кавадарци

„ЗА ЧИСТО КАВАДАРЦИ“-АКЦИЈА ЗА МИЕЊЕ  НА УЛИЦИТЕ ВО ГРАДОТ

„ЗА ЧИСТО КАВАДАРЦИ“-АКЦИЈА ЗА МИЕЊЕ НА УЛИЦИТЕ ВО ГРАДОТ

Општина Кавадарци  преку службата „Мој општинар“ во кординација со ЈП „Комуналец“, од денеска започна со акција за миење на улиците и тротоарите на територијата на град Кавадарци.

Во акцијата се вклучени 3 тима кои ќе работат со расположивата механизација на ЈП Комуналец. Во наредните денови ќе ги мијат улиците и тротоарите од остратоците на ризла, како и од наносите на земја и кал на коловозната површина. Во акцијата е вклучен и трактор со приколица и работна рака која ќе ги отстранува поголемите наноси што водата нема да може да ги исчисти.

Во акцијата ќе биде вклучена и Противпожарната единица со свои цистерни како и механизација од компанијата Кожувчанка.

Акцијата „За чисто Кавадарци“ ќе ги опфати сите улици во градот, а поинтензивно ќе се одвива во деновите кога временските услови дозволуваат ваква активност.

Се апелира до граѓаните своите автомобили да ги паркираат на соодветните места се со цел акцијата да се одвива непречено.

Одлука за избор за кандидат за унапредување во врска со Интерниот оглас бр. 01/2019

Одлука за избор за кандидат за унапредување во врска со Интерниот оглас бр. 01/2019

Во врска со Интерниот оглас бр. 01/2019 за унапредување на административни службеници во Општина Кавадарци, објавен на ден 30.01.2019 година на интернет страницата на Агенција за администрација и на Општина Кавадарци.

ПРОШИРУВАЊЕ СО ПОПЛОЧУВАЊЕ НА  ВЛЕЗ ВО ЗДРАВСТВЕН ДОМ

ПРОШИРУВАЊЕ СО ПОПЛОЧУВАЊЕ НА ВЛЕЗ ВО ЗДРАВСТВЕН ДОМ

Оперативата на фирмата „Градба П

ромет“ го реализираше проектот на општината, за проширување и поплочување на јужниот влез во „Здравствен дом“.

Станува збор за зафат со кој се овозможува побезбеден и побрз пристап на возилата на Брза помош од правец на улицата „Браќа Миладинови“.

Со овој проект значително се подобрува пропустната моќ на оваа сообраќајница кон улицата „Крсте Мисирков“ која минува низ дворот на старат болница.

ПАРТЕРНО УРЕДУВАЊЕ ПРЕД САЛАТА „ПАРТИЗАН“

ПАРТЕРНО УРЕДУВАЊЕ ПРЕД САЛАТА „ПАРТИЗАН“

 

 

Проектот за реконструкција на салата „Партизан“ влегува во завршна фаза. Оперативата на фирмата „Градба промет“ ги изведува завршните работи на сегментот полпчување  пред салата.

Согласно проектот поставени се бекатон коцки на просторот каде беа отстранети диво поставените гаражи, а тој простор со патека се спои со паркингот пред старата забна амбуланта. Вкупната површина на партерното уредување пред салата „Партизан“ изнесува 400 м2.

Обновени се патеките од источната страна на салата, а на тротоарот со улицата „Методи Џунов-Џико“ се вградиа и метални столбчиња. Паралелно со партерното уредување се работи и внатре во салата, каде започна поставувањето на паркет на теренот за спортување.

Во наредната фаза ќе следи и обновување на фасадата од јужната страна на објектот.

ГРАДОНАЧАЛНИКОТ ЈАНЧЕВ НА СРЕДБА  СО ВАТАШАНИ

ГРАДОНАЧАЛНИКОТ ЈАНЧЕВ НА СРЕДБА СО ВАТАШАНИ

 

На иницијатива на Месната зедница од селото Ваташа, градоначалникот м-р. Митко Јанчев со стручниот тим од општината оствари средба со жителите на тема комуналната изградба во 2019 година. Акцент во дискусијата беше ставен на тековниот проект за регулација и урбанизација на кејот на реката Луда Мара во должина од 760 метри, на поптегот од „Ваташкиот мост“ до паркингот кај зградите „Силекс“.

На средбата жителите искажаа поддршка на проектот со кој се урбанизира коритото на реката низ Ваташа, но изразиа сомнеж, реагираа и дискутираа со меѓусебни спротивставени ставови околу бетонирањето на минорното корито и длабочината на каскадите и слапиштата. Побараа одговор на нивната дилема, „Зошто каскадите наводно се граделе несоодветно“. Овој нивни став беше заснован на дезинформации околу проектот.

Но после објаснувањата од надлежните стручни служби на општината, како и изведувачат „Градба промет“ реакциите на граѓаните се смирија.

Во обраќањето пред ваташани градоначалникот Јанчев изкажа разбирање за нивните реакции, но им порача: „Јас имам целосна доверба во проектот и изведувачат. Ова го работиме за доброто на сите. Изградбата на кејот ќе помогне во регулацијата на речното корито, а воедно и ќе создаде поубав урбанизиран лик на Ваташа“.

На крајот од средбата градоначалникот Јанчев ујште еднаш ги потсети ваташани на интен зивната комунална изградба во која покрај кејот, тие во 2019 година ќе добијат нов мост за побезбеден сообраќај, ќе се гради велосипедско пешачка патека до браната Моклиште, а како наредна фаза е и проектот за реконструкција на покривот на спомен домот „12 Младинци“.