Непознати сторители го украле преостанатиот дел од рељефот во Моклиште

Непознати сторители го украле преостанатиот дел од рељефот во Моклиште

Непознати сторители го украле преостанатиот дел од рељефот во Моклиште

Викендов непознати сторители по кои трага полицијата  го украле простанатиот дел од рељефот на споменикот на „12 Ваташки младинци“ во Моклиште. Три пати досега се напаѓа и се крадат делови, овој пат во четвртиот напад целосно е украден металниот дел од Спомен обележјето на стреланите ваташки младинци во јуни 1943 година во Моклиште. Вандалскиот чин овој пат е целосен. Во саботатата на 8 август кога директорот на Музеј галеријата, Петре Камчевски престојувал лично на спомен обележјето во Моклиште забележал дека го нема на своето место овој 50 сетина килограми тежок дел од споменикот, го побарал да не е фрлен во околината и, откако не нашол ништо, пријавил во државните институции за споменично и културно наследство и до надлежните органи во Општинат, со цел да се најде извршителот на ова срамно дело и соодветно да се санкционира.

Градоначалникот Александар Панов го осудува овој срамен чин на сквернавење на историјското наследство и апелира до надлежните да го расветлат случајот и арамиите да ги изведат пред лицето на правдата. Панов истакнува: „Нема зборови со кои може да се опише било каков нецивилизиран и кукавички гест, особено на споменик во чест на 12 млади патриоти кој го дадоа животот за слободата на македонија“

Покрај тоа што надлежните општински служби и стручните лица од музејот Кавадарци беа на увид на самото место, веднаш по кражбата на рељефот на споменикот на 12 ваташки младинци, информирана е полицијата како и надлежните републичлки институции, бидејќи се работи за споменоик од прв ред.

Општината, Музеј-галеријата Кавадарци и републичките институции за Заштита на културното наследство ја разгледуваат можноста за начинот како да се интервенира на споменикот. Дали да се направи реплика на оргиналниот рељеф од бакар на авторите Јордан и Искра Грабул, или да се предложи ново идејно решение.

Рељефот го симболизира убиството на 12 сте ваташки младинци и е изработен од бакар. Најверојатно бакарот е причината поради која се решиле арамиите да го украдат.

Ова е трет пат да се посегне по уништување на споменикот. Во два наврати беа крешени и украдени делови од рељефот, а сега е однесен преостанатиот дел. Претходно беа украдени бронзените букви со имињата на жртвите, како и натписот на јуѓната страна од споменикот кој го симболизира тиквешкиот непокор.

Општината се враќа на старото работно време

Општината се враќа на старото работно време

Општина Кавадарци-Локална самоуправа ги информира граѓаните дека Со нормализирањето на температурите од 10-ти август 2015 година (понеделник) опшштината се враќа на законски определеното работно време.

Работното време на локалната администрација е во периодот од 8:30 до 16:30 часот секој работен ден.

Заврши четвртиот по ред „Летен камп Михајлово“

Заврши четвртиот по ред „Летен камп Михајлово“

Успешно  заврши четвртиот по ред „Летен камп Михајлово“ кој преку Општинскиот Совет за превенција од малолетничко престапништво на  Кавадарци, во рамките на своите програмски активности го реализира Општина Кавадарци.

Од 29 јули, заклучно со 5 август 2015 година, 19 деца од основните училишта од Општина Кавадарци престојуваа на летен одмор во Михајлово на Кожув Планина.

После успешно организираниот  летен одмор Костадинка Лалкова секретар на Советото за Превенција од малолетничко престапништво во името на организаторот искажа благодарност до правните субјекти кои со своите донации го помогнаа организирањето на кампот.

Годинава донатори беа кавадаречките фирми: „ФЕНИ Индустри“, „Алијанс Уан“, „Кожувчанка“, „Градба промет“, „Урбан Инвест“, „Јан Бор“ и канцеларијата на „Извршител Љупчо Јованов“.

Традиционално и овојпат Општината финансираше престој за пет деца со што се оствари главната цел на кампот,  да помогне и да ги насочи овие деца кон вистинските вредности  и,  да ги тргне од можниот ризик и лошо поведение, а воедно да ги награди за нивниот добар успех во училиштето.

Со света Божествена литургија во храмот

Со света Божествена литургија во храмот

Со света Божествена литургија во храмот „Св.вмч.Димитрија“ во Кавадарци и водосвет пред новоизградениот храм посветен на „Св. Преподобна Параскева – Петка“, во сабота, 8 август 2015 година Кавадарци ќе го празнува верскиот празник „Св. Маченичка Параскева – Петка“.

Според предвидената програма за чествување на заштитничката на градот, светата Божествена литургија во храмот „Св.вмч.Димитрија“ ќе започне во 8 часот и 30 минути, додека водосвет пред новоизградениот храм посветен на „Св. Преподобна Параскева – Петка“ ќе се оддржи во 11 часот.

4 елктро колички за инвалиди – донација

4 елктро колички за инвалиди – донација

Врз основа на средби кои ги имаа со Здружението на телеснини инвалиди од Кавадарци, а по согледаната потреба на терен, градоначалникот Александар Панов, Советот на Опоштината и Ротари клубот од Кавадарци донираа 4 електрични колички за инвалидизирани лица по претходно превземената обврска да им помогнат со набавка на овие современи мобилни помагала.

„Кавадарци денеска направи добро дело за овие наши сограѓани. Ова не е прв пат да помагаме на инвалидизираните лица. Еднаш набавивме половна, а на друг наш сограѓанин му ја поправивме инвалидската количка. Лицата со хендикеп кои не можат да дојдат до центарот на градот не можат без вакво помагало да излегуваат надвор од домовите ниту пак да присуствуваат на бројните културни настани кои се случуваат, од денеска ќе имаат можност да го зголемат обемот на својата подвижност. Со оваа наша скромна донација им се овозможува поширока комуникација со луѓето во градот“ вели градоначалникот Александар Панов кој денеска им ги врачи инвалидските колички на лица со телесна инвалидност од Кавадарци.

„Договорено е со Здужението од Кавадарци во иднина да ги подмирува потребите од електрични колички сите инвалиудни лица кои имаат потреба од нив. Колку и да е голем бројот Општината ќе ги набави, иако се разбира, посакуваме таа потреба да биде помала. Ова донација има вредност од над 3.000 евра. Локалната самоправа учествува во набавката со три а Ротари Клубот од Кавадарци во набавката на една елктрична количка“ додаде Панов.

Николчо Делов претседател на Здружението на лица со телесна инвалидност-Кавадарци искажа голема благодарност до ГрадоначалникотПанов, Советот на општината и Ротари клубот Кавадарци. Тој вели: „Ова е револуционерен чин за нашата општина. Примерот треба да го слкедат другите општини. Во Кавадарци има околу 120 лица со телеска инвалидност од кои 6-7 веке ќе го искористат ова право. Во иднина ќе ги среќавате овое лица во нашето секојдневие и на сите настани и манифестации во градот“.

Ротари клубот Кавадарци пак, кој донираше средства за набавка на една електична инвалидни количка вложува средства во проекти кои претставуваат општествено добро. Големо е задоволството на клубот од Кавадарци што се дел од овој проект и во иднина ќе продолжи со ваква и слична активност, вели претставникот Пне Тотовски.

Зоран Јованчев во фунција на советник и Претседател на Комисијата за финасии и буџет денеска присуствуваше на примопредавањето на количките, истакна дека со одлуката на Комисијата и Советот на Општина Кавадарци се покажува подршката на овие акции за помош на хендикепираните лица. И во иднина тие ќе помагаат на ова ранлива група наши сограѓани.

Инаку во функција на напорите за помош на пошироката заедница за активно вработување на лица со телесна инвалидност градоначалникот Панов денеска јавно упати апел до големите компании, а пред се Дрекслмајер кои вработуваат повеќе од илјада лица, да ја разгледат законска можност за ангажирање на лица со инвалидност. „Ним најголема помош ќе им биде целодневен рабвотен ангажман. И покрај одредената инвалидност сепак голем број од нив можат да работат успешно со ангажман на работни места каде манипулативната способност со рацете, може да даде голема продуктивност“, нагласи Панов.

Тој се заблагодари за одзивот кој го направи ова компанија за вработување на припадници на ромската етничка заедница од Кавадарци.