Топол културен бран во Кавадарци

Топол културен бран во Кавадарци

Топол културен бран во Кавадарци

Во среда, на 19 август 2015, со почеток од 21.30 часот во Парк на револуцијата наспроти полицијата во Кавадарци, не очекува ексклузивен Џез концерт со “Por Ché Ne Trio“ и нивните гости.

„Por Ché Ne Trio“ е космополитски микс на три јаки музички личности, секоја од нив своевидна икона на традиционалната музика во нивните земји Аргентина, Италија и Македонија. На нивната стандардна постава Leo Genovese (Argentina) – piano, electronics, vocals, Francesco Marcocci (Italy) – acoustic bass, vocals и Александар Петров (Македонија) – drums, percussion, tapan, vocals, специјално на овој концерт ќе им се придружи Marie Petrov- (вокал, тромбон).

Нивната музика претставува трансверзала меѓу три континенти, преку оригинални композиции.

Досега настапувале во Аргентина, САД и др. Специјални гости на вечерта се прекалените кавадаречки џезери од бендот „Modern Jazz Quartet K“, со чиј настап ќе биде отворена оваа вечер.

Концертот е во рамките на “Топол културен бран“ и е во организација на Домот на културата “Иван Мазов – Климе“ Министерството за култура на РМ и Локална самоуправа на Општина Кавадарци.

Во рамките на манифестацијата „Топол културен бран 2015“, во организација на Домот на културата „Иван Мазов-Климе“ Кавадарци, а со подршка на Министерството за култура на РМ и Локалната самоуправа Кавадарци, во четврток, на 20 август 2015, Кавадарци го очекува исклучителна уметничка вечер:

20.00 часот (Галерија при Дом на култура Кавадарци) – Отворање на изложба на познатиот македонски ликовен уметник Драган Најденовски од Битола;

20.30 часот (Галерија при Дом на култура Кавадарци)-Промоција на книгата “Етичари“ од Проф.Д-р Кирил Темков

21.00 часот (Ресторан-базен при Хотел Уни Палас 2)- Отворање на Меѓународна ликовна колонија „Михајлово – Кавадарци 2015“

21.30 часот (Ресторан – базен при Хотел Уни Палас 2) – Џез концерт на „Modern Jazz Quartet K“ од ЛКавадарци

Општина Кавадарци денеска ги доби решенијата за два инфраструктурни проекти кои ќе ги реализира секторот за локален економски развој

Општина Кавадарци денеска ги доби решенијата за два инфраструктурни проекти кои ќе ги реализира секторот за локален економски развој

Општина Кавадарци денеска ги доби решенијата за два инфраструктурни проекти кои ќе ги реализира секторот за локален економски развој, а се подржани од Агенцијата за финансиска подршка на земјоделството и руралниот развој.

Со цел подорување на животот во руралните средини беше прифатен од Агенцијата проектот за урбанизација на седум села во општина Кавадарци. За овој проект општината ќе добие околу 9 милиони денари, а вториот проект кој исто така беше прифатен од Агенцијата е за подобрување на патната инфраструктура во руралните средини.

Имено овој проект ја опфаќа реконструкцијата на патот Крњево-Бохула во должина од 5 километри. Овој проект Агенцијата за финансиска подршка во земјоделството и руралниот развој го подржува со близу 20 милиони денари.

Општина Кавадарци за селото Бохула претходно доби и проект за изградба на канализација, исто така во насока на руралниот развој и подобрување на условите за живот во селата.

Отворање на Младински информативен центар

Отворање на Младински информативен центар

Во среда, 19 август 2015 година, во 11:00 часот, официјално ќе биде отворен Младинскиот Информативен Центар – ИНФО СЕГА Кавадарци, втор од ваков тип во земјата. Основна цел на Младинскиот Информативен Центар е обезбедување и ширење на информации, давање на совети, како и испорачување на обуки и едукации од различни сфери корисни за младите луѓе.

Младинскиот информативен центар официјално ќе биде отворен од страна на Градоначалникот на општина Кавадарци г-дин Александар Панов, Амбасадорот на Република Франција во Македонија г-ѓа Лоренс Оер и директорот на Агенција за млади и спорт на Р. Македонија г-дин Марјан Спасески.

МИЦ е дел од проектот „Младински Информативен Центар-ИНФО СЕГА Кавадарци кој Коалиција на младински организации СЕГА во партнерство со Агенцијата на Асоцијации за Локална Демократија (АЛДА) го спроведува во рамките на Програмата за Децентрализирана соработка помеѓу Република Македонија и регионот на Долна Нормандија – Франција и Локална Самоуправа Кавадарци.

Просториите на Младинскиот Информативен Центар се наоѓаат на ул. „Ресавска” бр. 4, кај првиот триаголник.

Авионско второ запрашување – соопштение

Авионско второ запрашување – соопштение

Известување

Се информираат граѓаните дека во четврток на 20 август 2015 година во координација со Министерството за здравство ќе се изврши втора адултна авионска дезинсекција.

Авионското прскање ќе се врши во утрински часови во периодот од 05:00 до 08:00 часот на територијата на општина Кавадарци. Авионското прскање покрај општината Кавадарци ќе се изведе и на териториите на соседните општини Росоман, Неготино и Демир Капија.

Општината ги информира пчеларите кои имаат сандаци со пчели на територијата на општините кои ќе бидат опфатени со авионсклото прскање, навреме да превземат мерки за заштита на пчелните семејства како не би дошло до несакани последици.

На 8 август 2015 година во Кавадарци прославена св. Петка

На 8 август 2015 година во Кавадарци прославена св. Петка

На 8 август 2015 година во Кавадарци верниците од христијанска вероисповед заедно со свештенството на Повардарската епархија го празнуваат верскиот празник „Света Преподобна маченичка Параскева-Петка“, чие име го носи новата црква која е изградена во новиот центар на градот. Топлото време не беше пречка кавадарчани во масовен број да го исполнат новиот храм и неговото опркужување, и да го изразат своето почитување кон нивната заштитничка, светата маченичка Параскева Петка, која ги штити од несреќи и болести.

На големиот собир и водосвет пред новата црква „Света Петка“ му претходеше оддржувањето на Света Архиерејска Литургија во храмот „Свети Димитрија“ во Кавадарци со која чиноначелствуваше Митрополитот Г.Агатангел во сослужение со свештеници од Повардарската епархија.

После водосветото во чест на празникот, благодарност до ктиторите, МПЦ и валдиката г.Агатангел, до верниците упати градоначалникот на општина Кавадарци, Александар Панов кој ги замоли присутните како и граѓаните на Кавадарци, а кои се во можност да донираат за изградбата на црквата, да гго изразат тој гест со што ќе помогнат во завршување на финалните работи пред осветувањето.

Владиката  г.Агатангел им се заблагодари на менаџментот на Фени Индустри кои се најголеми ктитори, потоа на компаниите „Кожувчанка“ и „Градба Промет“, архитектот Трајче Грков, мајсторот Ристо Грозданоски од Мала Преспа кој се соживеал со секој камен вграден во црквата, како и на Општината Кавадарци преставувана од Градоначалникот Александар Панов и претседателот на Советот, Горица Пеливанова – Вилхелм. „Старите велат, оној што не праврел куќа не знае како е да се гради. Црковните храмови се убавина на душата. Окото може многу убави работи да гледа, но душата треба прво да го види Христа, а него ќе го види во овој храм. Благодарение на Фени и на директорот Даскалакис кој не поттикна да го изградиме овој храм, но и ни покажа нас, кои живееме во Кавадарци и Македонија како треба да се сака црквата и да се љуби Господа“ – рече меѓу другото Владиката Агатангел, кој на крајот од својот говор уште еднаш јавно ги покани сите христијани на 18 октомври да присуствуваат на осветувањето на црквата „Света Петка“.

Во своето обраќање пред верниците, заменик генералниот директор на „Фени Индустри“, Герасим Кујунџиев рече: „Самата црква е една од најубавите цркви изградени во поново време во Македонија и истата е градена во традиционален византиски стил, од рачно клесан камен, архитектурата, фрескоживописот и иконостасот се дело на најдобрите современи црковни уметници во целост запазувајќи ја средновековната македонска црковна традиција која е најубавиот архитектонски и уметнички период. Сигурен сум дека нашата црква „Света Петка“ ќе биде вистински бисер и обележје на Кавадарци и граѓанитеч“.

Претседателот на иницијативниот одбор и сопственик на Кожувчанка, Митко Јанчев во својот говор пред присутните ја потенцираше макотрпната работа во сите пет години која благодарение на божјата милост и благословот од Господин Агатангел резултираше со изградба на овој божји храм кој на 18ти октомври ќе биде осветен.