Категорија: Тиквешки гроздобер 2019

БЛАГОДАРНИЦИ ЗА ПРИДОНЕС НА “ТИКВЕШКИ ГРОЗДОБЕР 2019”

БЛАГОДАРНИЦИ ЗА ПРИДОНЕС НА “ТИКВЕШКИ ГРОЗДОБЕР 2019”

Градоначалникот на Кавадарци-Митко Јанчев вечерва во име на Општина Кавадарци додели благодарници на претставници на компании ,винарии, угостителски објекти,фирми и поединци кои на директен и индиректен начин дадоа придонес во одржувањето на “Тиквешки гроздобер 2019”. Тој им се заблагодари на сите кои дадоа придонес.
Јанчев во своето обраќање особено потенцира дека “Гроздоберот” како наша кавадречка манифестација е прва од ваков карневалски тип која започнала да се одржува и била синоним во државата па затоа ни останува во аманет да ја организираме најубаво што можеме.
-“Ние како Општина Кавадарци тоа со Ваша помош, рече Јанчев,успеваме да го постинеме , како што тоа верувам годинава го направивме најубаво досега.”

Посебно , вечерва беше нагласен придонесот на спонзирите особено премиум донаторите: Еуроникел, Градба-промет и Кожувчанка.

Свечена седница на советот на општина Кавадарци – доделени седмо септемвриските награди

Свечена седница на советот на општина Кавадарци – доделени седмо септемвриските награди

Советот на општина Кавадарци вечерва одржа свечена седница по повод денот на ослободувањето на Кавадарци.

Градоначалникот Митко Јанчев во своето обраќање се осврна на досега сработеното, притоа нагласувајќи дека е променет ликот на градот кој се развива во изминативе 75 години.

Кавадарци од 1945 година постојано се развива во сите свери. Кавадарци се движи по вистински пат. Тој пат е платен со животите на 333 борци. Наш приоритет е Кавадарци да стане општина за пример. Кавадарци доби нов лик со изменета инфраструктура. Поплочени се 9200 м2, а до крајот на годината ќе се поплочат улици и тротоари од 7000 м2. Асфалтирани се 46.000 м2, а до крајот ќе се асфалтираат уште 20.000 м2“ рече меѓу другото Јанчев.

Посочи дека годинава за прв пат е решен проблемот со недостиг на слободни места за децата во градинка. Ја најави изградбата на нова градинка. Исто така најави проширување на улица „Шишка“ со уште една коловозна лента и велосипедска патека. Се осврна на решените повеќе децениски проблеми во општината.

На свечената седница беа доделени седмосептемвриските награди. Годинава градот додели признанија на Јоана Коцева, од невладиниот сектор, која долги години се бори за рамноправност на жената. Од образованието признание „7 ми септември “ беше доделено на Златко Каров, професор во гимназија во Шведска, додека од бизнис секторот седмосептемвриска награда беше доделен на на Трајче Ристовски, чија транспортна компанија успешно работи надвор од Македонија.

Наградените искажаа благодарност на својот град, нагласувајќи дека Кавадарци секогаш им е во срце.

Вински карневал 2019

Вински карневал 2019

Уште една успешна карневалска приказна под отворено небо за сите кои денеска беа на градскиот плоштад. Пред кавадарчани и гостите од страна низ улицата „Илинденска“ и на платото пред централната ложа на „Винскиот карневал“ 2019 година продефилираа 41 маскирана поставка, со близу 1000 учесници.
Маскираните гости од Тиват, Лесковац, Птуј, Раковица, Пела, потоа од македонскит градови Струмица, Прилеп, Пробиштип, како и маските од Кавадарци, создадоа карневалска магија за сите кои точно на пладне беа на плоштадот во градот на грозјето и виното.
Извонредно карневалско издание кое го врати сјајот на „Тиквешкиот гроздобер“
Огромна благодарност за
сите учесници на карневалот од градоначалникот и општината за прекрасните моменти додека траеше карневалот.
Ова е поттик и предизвик догодина „Винскиот карневал“ да биде уште побогат и посодржаен.
Приказната под отворено небо продолжува вечерва на градскиот плоштад со музичките гост Блу Бенд, и секако ѕвездата на годинашниот „Тиквешки гроздобер“ балканската музичка легенда Здравко Чолиќ.
Драги гост и почитувани кавадарчани, и вечерва Цел град на плоштад, за да ставиме точка за крај и на оваа гроздоберска Приказна под отворено небо.

Советот на општината ја одржа Свечената 30-та сеница

Советот на општината ја одржа Свечената 30-та сеница

Во чест на јубилејот 75 години од ослободувањето, Советот на општината ја одржа Свечената 30-та сеница. Во големата сала на Домот на Културата со седницата претседаваше претседателот на советот Ристо Сакалиев. Тој пред градоначалникот, присутните гости од збратимените градови и ФЕКГ, членовите на советот, пратеници и претставници на бизнис секторот и други организации во краткото обраќање потсети на сработеното меѓу двата празника.
Градоначалникот, во традиционалното обраќање по повод денот на ослободувањето говореше за реализираните проекти во инфраструктурата, образованието,потенцирајќи ја детската заштита и решениот проблем со сместувањето на децата во градинките. Јанчев напомена дека Кавадарци сега има реконструирани главни улици, регулиран сообраќај со повеќе кружни текови, како и исклучителна комунална изградба, реализирана со поддршката од советото, предлозите и проектите од општиунската аминистрација, а пред се како резултат на барањата на граѓаните.
На седницата беа доделени плакетите на годинешните добитници на највисокото општинско признание наградата „7-ми Септември“.
Годинешни добитници се: Јоана Коцева за особен придонес во областа на хуманоста,еманципацијата на жената,родовата еднаквост и борбата против насилството, Трајче Ристовски за особен придонес во стопанството и Златко Каров за особен придонес во образованието.
Во културно уметничкиот дел настапиа: младата пијанистка Даниела Јовановска, кларинетистот Јован Јованов, Оркестарот на традиционални народни инструменти од музичкото училиште, ако и фолклорниот ансамбл „Тиквеш“.

Свечен прием за делегациите од збратимените градови и гостите од Федерацијата на Европските карневалски градови

Свечен прием за делегациите од збратимените градови и гостите од Федерацијата на Европските карневалски градови

Градоначалникот на Кавадарци Митко Јанчев за делегациите од збратимените градови и гостите од Федерацијата на Европските карневалски градови приреди свечен прием во холот на Домот на културата.
Кавадарци на гроздоберот 2019 година ги угости делегациите на збратимените општини: Бољевац, Бјељина, Горњи Милановац, Добрич, Едеса, Ковин, Лесковац, Макарска, Пантелеј-Ниш, Ражањ и Угљевик. Градоначалникот на сите им посака добредојде и искажаа благодарност со нивното присуство. Притоа подвлече дека таа соработка засилено ќе продолжи и во иднина. На приемот беа разменети меѓусебни подароци.
Од Бордот на ФЕК за градоначалникот Јанчев беше доделена плакета и медал во знак на признание на обновената соработка на „Тиквешкиот гроздобер“ со оваа најмасовна европска асоцијација на карневалските градови. Медал беше доделен и на Сања Крстик која е и потпретседател на асоцијацијата на карневалски градови.