Категорија: Актуелно

ФОНДАЦИЈАТА „НИКОЛА ЈАНЧЕВ“ ДОНИРАШЕ 120   ПРОЧИСТУВАЧИ НА ВОЗДУХ ВО ОСНОВНИТЕ УЧИЛИШТА

ФОНДАЦИЈАТА „НИКОЛА ЈАНЧЕВ“ ДОНИРАШЕ 120   ПРОЧИСТУВАЧИ НА ВОЗДУХ ВО ОСНОВНИТЕ УЧИЛИШТА

По повод верскиот празник „Свети Никола“, фондацијата „Никола Јанчев“ во соработка со градоначалникот и советот на општина Кавадарци денеска на свеченост во компанијата „Кожувчанка“ на директорите на шесте Општински основни училишта од Кавадарци им ги врачи ваучерите за донацијата  на прочистувачи на воздухот.

Ваучерите за вкупно 120 прочистувачи на воздух ги додели директорката на компанијата „Кожувчанка“ и на фондацијата, госпоѓа Јанинка Чупаркоска.  „Целта ни е хуманоста. Пред неколку месеци доделивме 36 стипендии на основци, средношколци и студенти. Денеска доделуваме прочистувачи на воздух во училниците во правец на унапредување и заштита на животната средина пред се за децата“ рече Чупаркоска и нагласи и дека и во иднина фондацијата ќе се води од нивната стратешка цел.

Градоначлникот м-р. Митко Јанчев, кој присуствуваше на доделувањето, истакна дека најголем дел од средтвата за оваа донација се од неговата градоначалничка плата која што ја донира во фондацијата, но и средства од нивната компанија.

Директорите имаат обврска прочистувачите да ги стават во функција најдоцна до понеделник, од кога околу 3500 основци од Кавадарци, во своите училници ќе имаат прочистувачи на воздух.

Од името на учениците и родителите благодарност за вредната донација упатија директорите на училиштата.

Вредноста на уредите е 36 илјади евра, а истите ќе бидат распоредени согласно бројот на учениците и тоа: 23 прочистувачи во ООУ „Тошо Велков-Пепето“, 22 во ООУ „Страшо Пинџур“, по 19 прочистувачи ќе добијат училиштата „Тоде Хаџи-Тефов“ и „Димката Ангелов-Габерот“ Ваташа, додека 18 прочистувачи ќе добие ООУ „Гоце Делчев“, а 15 филтри ќе бидат распоредени во исто толку училници во ООУ „Димката Ангелов-Габерот“ Кавадарци.  

Отварање на Лизгалиштето во СЦ Јасмин

Отварање на Лизгалиштето во СЦ Јасмин

Градоначалникот на Кавадарци м-р Митко Јанчев во присуство на претставници од Хокеарската федерација на Макеодонија, педагози по физичко образование, како и ученици од Кавадарци, го предаде во функција лизгалиштето кое се наоѓа во комплексот на спортскиот центар „Јасмин“. Лизгалиштето е со двојна намена, претпладне ќе работи како центар за настава по физичко за учениците од општината, а попладне на комерцијална основа за сите кои после настава сакаат да се рекреираат. Ќе се изнајмуваат лизгалки, а билетот ќе чини 100 денари.

Јанчев во обраќањето пред присутните истакна:  „Идеата е моја како градоначалник и на општина Кавцадарци. Во соработка со „Кожувчанка“ и „Црна река Петрол“.  Општина Кавадарци преку Сојузот на училишни спортови преку училипштата организира бесплатно лизгање во зимскиите месеци.  Учениците ќе имаат часови по лизгање. Ќе можат децата да се релаксираат. Еуфоријата денеска е на високо ниво. Задоволство ми е што Кавадарци доби лизгалиште и што можеме да се рамниме со поголемите градови“ рече градоначалникот Митко Јанчев.

Лизгалиштето ќе послужи и за регрутирање млади таленти во хокеј. „Ние имаме план да праќаме тренер секоја недела. Ова е еден одличен проект кој ќе придонесе за хокејот во Македонија да дојде до сосема солидно ниво. Се планираат лизгалишта во Битола и Охрид“ изјави претставникот од Хокејарската федерација на Македонија.

Задоволство од отворањето на овој спортско рекреативен објект искажаа и наставниците по физичко и здравствено воспитување од кавадарци.

Лизгалиштето ќе работи секој ден во текот на зимската сезона. 

ГИМНАЗИЈАЛЦИ НА ТЕРЕНСКА НАСТАВА ВО ОПШТИНА КАВАДАРЦИ

ГИМНАЗИЈАЛЦИ НА ТЕРЕНСКА НАСТАВА ВО ОПШТИНА КАВАДАРЦИ

Ученици во трета година во гимназијата „Добри Даскалов“  од Кавадарци беа во посета на Општина Кавадарци – Локална самоуправа. Во големата сала на општината го одржаа часот по методската единица „Урбанизацијата како светски процес“, во рамките на наставата од изборниот предмет географија

Домаќини им беа архитектите од одделението за урбанизам. Тие ги запозна учениците со поставеноста  и начинот на функционирање на урбанизмот и урбанизацијата во општината Кавадарци.

Во интерактивна настава со учениците дискутираа на повеќе теми и сегменти од урбанизацијата и нејзиното спроведување во пракса, посебно во градот Кавадарци.

Од учениците беа прибрани и триесеттина ливчиња со забелешки во поглед на нивната перцепција на урбаното Кавадарци, како и нивни и предлози и идеи за идниот развој на урбанизацијата на градот.

Оваа средба на гимназијалците и урбанистите се одржува четврта година поред и преминува во традиција.

На овие часови општинската администарција ги споделува своите позитивни практики со гимназијалците идни академски граѓани.

ПОСТАВЕНИ НИСКИТЕ КАНДЕЛАБРИ НА  ГРАДСКИОТ ПЛОШТАД

ПОСТАВЕНИ НИСКИТЕ КАНДЕЛАБРИ НА ГРАДСКИОТ ПЛОШТАД

Се оформува новиот лик на градскиот плоштад. Во оваа фаза од реконструкцијата се поставуваат ниските урбани светики од дополнителното јавно улично осветлување.

Според проектот треба да бидат поставени вкупно 15 нови канделабри. Секој столб носи единечна светилка од метал халоген тип со моќност од 70 W на осветлување, кое дава пријатна жолтеникава боја на светлината.

Дополнителните канделабри од јавното осветлување се поставуваат на рабовите околу новите зелени површини кои се вградиа во градскиот плоштад.

Со реализацијата на овој проект општината обезбедува помоќно и пофункционално јавно осветлување на плоштадот кое директно ќе влијаа врз побезбедното движење на пешаците, а на плоштадот му дава дополнително светло и подобар лик. 

ОГРАДУВАЊЕ НА СПОРТСКИОТ ЦЕНТАР

ОГРАДУВАЊЕ НА СПОРТСКИОТ ЦЕНТАР

Продолжува обновата на Спортскиот центар „Јасмин“. Оперативата на фирмата „Метал Апостолов“ од Кавадарци работи на реализација на проектот на општината за оградување на објектот.

Според планот со метална ограда  во должина од 990 метри ќе се огради целата парцела на спортскиот центар. Оградата е висока 2 метри, а за нејзино поставување општина Кавадарци од буџетот издвои 2.500.000 денари.

Паралелно со оградувањето беше извршена и реконструкција на рушениот камен потпорен ѕид на северната страна од фудбалскиот терен. Фирмата „Метал Апостолов“ како општествено одговорна, донираше обновување на камениот потпорен ѕид.