Категорија: Додатни информации

Пари од општината за НВО

Пари од општината за НВО

Со 10 гласови „за“, два „воздржани“ и 6 „против“, советниците од Советот на општина Кавадарци ја усвоија одлуката за распределба на финансиски средства наменети за финасирање на проекти и програмски активности на здруженија и фондации кои работата во општината.

Меѓународниот фестивал на детски и младински хорови, еколошкото друштво „Тисовец“ и невладината организација „Зона“ добија по 40 илјади денари финансиска подршка за своите активности од Буџетот на општина Кавадарци.

По 30 илјади денари добија: Здружението на граѓани за заштита и рехабилитација и организација на деца од општините Кавадарци, Росоман и Конопиште, општинскиот Совет за превенција од малолетничко престапништво на град Кавадарци, ПСД „Орле“, друштвото на ликовни уметници. Советот одлучи од Буџетот по 25 илјади денари да се издвојат за Народна техника, ОО на Црвен крст, здружението „Чекор кон Европа“ и здружението „Ликовна колонија Михајлово АРТ“.

Здруженијата „Васил Хаџиманов-Јуниор“, „Тиквешки роми“, здружението за развој, едукација и забава на децата со занаети и професии „Панчелито“, организацијата на жени „Визија„ локален центар за подршка на развојот и демократија и здружението за алтернативна култура „Алтер центар„ добија по 20 илјади денари. Исто толку од општинската каса ќе се трансферираат и на сметка на Сојузот на борците од народоноослободителната и антифашистичка војна.

За здружението на писетели, здружението за негување и развој на винската култура, вински туризам и производи од грозје „Винотек“, здружението за негување млади таленти „Ластарчиња“ и „Еко живот“ добија по 15 илјади денари. По само 10 илјади денари ќе добијат сојузот за спорт и рекреација на инвалиди Кавадарци. Здружението на глуви и наглуви лица, центарот за подршка на лица со интелектуална попреченост „Порака“, и здружението на лица со телесен инвалидитет „Мобилност“.

Во образложението на одлуката се наведува дека врз основа на доставените проектни предлози од нелвадиниот сектор, комисијата за евалуација на поднесените барања врз основа на квалитетот на содржината и бенефитот од проектите на здруженијата и фондациите одлучила која организација по колку пари ќе добие од касата на општината.

16 меморијален фудбалски турнир – Вуко Каров

16 меморијален фудбалски турнир – Вуко Каров

По три години пауза, „бубамарата“ повторно се „тркалаше“ на градскиот стадион во Кавадарци во чест на Вуко Каров и кавадаречките фудбалски легенди.

Пред повеќе од 1000 вљубеници во фудбалот кои максимално го искористија топлото февруарско сонце да уживаат во ретката можност да уживаат во квалитетен фудбал, враќањето на традиционалниот меморијален турнир „Вуко Каров“ го поздравија претседателот на фудбалската федерација на Македонија, Илчо Ѓорѓиоски и градоначалникот на општина Кавадарци, Александар Панов, кои констатираа дека турнирот „Вуко Каров“ е еден од препознатливите белези на Кавадарци и на фудбаслска Македонија.

По поздравните говори, внукот на Вуко Каров, Тоше Каров и градоначалникот Александар Панов го изведоа почетниот удар и ја најавија фудбалската возбуда, која не изостана и покрај скратениот формат на натпреварување и различниот натпреварувачки ранг на екипите учеснички, Победа од Прилеп, Хоризнот Турново и домаќинот Тиквеш 2014.

Во првиот натпревар, играчите на Тиквеш 2014 докажаа дека не им е местото во четвртата лига, играјќи нерешено 1:1 против прилепска Победа која пролетва сериозно ќе атакува на влез во второлигашкото друштво. Јованов му донесе предност на Тиквеш 2014, но Тони Мегленски изедначи на 1:1.

Во вториот натпревар, Хоризонт Турново иако беше послаб противник во првите 20 минути од играта, сепак го искористи своето прволигашко искуство и со головите на Марков и Ташев си обезбеди триумф од 2:0. Идентичен беше резултатот и во третиот натпревар, во кој Ташев и Мавров погодија за Хоризонт во победата над Тиквеш 2014, иако резултатот можеше да биде многу поинаков доколку домаќините ги искористеа своите шанси.

Максималниот ефект на Хоризонт Турново ги промовираше во победници на шеснаесетиот меморијал, додека Победа и Тиквеш 2014 со идентичен скор во групниот систем го поделија второто место. Сосема очекувано играчите на Хоризонт Турново доминираа и во поединечните категории, па пехарот за најдобар стрелец на турнирот кој го доделува фамилијата Карови заврши кај Марјан Ташев, додека Митко Мавров беше прогласен за најдобар играч.

Мојот град-мојата Општина“ – Средба на Градоначалникот со ученици од ООУ „Гоце Делчев“

Мојот град-мојата Општина“ – Средба на Градоначалникот со ученици од ООУ „Гоце Делчев“

Во рамките на проектот „Заедничка грижа и поддршка на учениците“ денеска во просториите на општина Кавадарци беше реализирана содржина од наставата по предметот Општество, на тема „Мојот град-мојата Општина“.

Домаќин на 60 деца од трето одделени од ООУ „Гоце Делчев“ Кавадарци им беше градоначалникот Александар Панов, а во улога на родител наставник Зоран Јованчев родител на треттоодделенец и актуелен член на Советото на општина Кавадарци.

Учениците со домаќинот прво се дружеа во салата на Советот на општината каде Панов ги запозна со надлежностите, поставеноста и начинот на работа на градоначалникот и на Локалната самоуправа. Во интерактивност децата имаа можност преку прашања да се информираат за она што нив ги интересира. За улогата, значењето, поставеноста и работата на Советото на општината зборуваше родителот наставни Зоран Јованчев.

Децата се интересираа за начинот како се станува градоначалник, кој бил првиот кавадарчанец на таа функција, кога е изградена зградата на општината, колку луѓе работата во неа. Каково училиште треба да се заврши за да се  работи во општината, а пројавиа интерсе и за портретите на петмината кавадречки великани кои се поставени во големата сала на општината.

Во рамките на посетата учениците од „Гоце Делчев“ се запознаа и со просториите во кабинетот на градоначалникот каде добиа дополнителни информации со кои го прошириа своето знаење за Општината, при што се запознаа повеќе со организацијата на општината.

Инаку овие часови градоначалникот Панов ги практикува во изминатите шест години од негиовиот мандат со учениците од сите основни училишта во Кавадарци.

Но сега за прв пат како соработка со Министерството за образование и наука во рамките на проектот „Родителот е наставник, Заедничка грижа за правилно насочување на децата“ чија цел е да се зајакнат врските на релација ученик-родител-наставник, а децата од најрана возраст да се запшознаат со повеќе теми и со различни институции во општеството.

Средба на Градоначаникот со ученици од ООУ „Гоце Делчев“ Средба на Градоначаникот со ученици од ООУ „Гоце Делчев“ Средба на Градоначаникот со ученици од ООУ „Гоце Делчев“ Средба на Градоначаникот со ученици од ООУ „Гоце Делчев“ Средба на Градоначаникот со ученици од ООУ „Гоце Делчев“ Средба на Градоначаникот со ученици од ООУ „Гоце Делчев“

Богојавление -Водици 2015 година

Богојавление -Водици 2015 година

Манифестацијата поврзана со Водосветот Богојавление -Водици кој се прави на реката „Луда Мара“ последниве 6 години е вистински празник во Кавадарци. Илјадници граѓани и годинава дојдоа да го следат овој несекојдневен и радосен чин за сите христијани.

На потопувањето на крстот во водите на реката „Луда Мара“ му претходеше одржувањето на Света богојавленска служба во храмот Свети Димитрија на која присуствуваа Градоначалникот Панов кој на сите граѓани на Кавадарци им посака многу здравје и бериќет, претседателот на Советот и други лица од јавниот живот на градот. Притоа беше осветена и водата на црковната фонтана, од која граѓаните можеа да си наполнат за дома, а потоа со литија заедно со свештениците се упатија кон кејот на реката „Луда Мара“.

Read More