Категорија: Урбанизам и Комунални дејности

ПРОБИЕНА НОВА СПОРЕДНА УЛИЦА ОД ул „МЕТОДИ ЏУНОВ-ЏИКО“

ПРОБИЕНА НОВА СПОРЕДНА УЛИЦА ОД ул „МЕТОДИ ЏУНОВ-ЏИКО“

Привршуваат работите на поплочувањето на крак од улицата „Методи Џунов-Џико“ во населбата „Брушанско маало“. Општина Кавадарци овде го реализира проектот за пробивање на споредна улица во должина од 65 метри со што им излегува во пресрет на барањата на жителите од околните куќи.

Оперативата на изведувачот фирмата „АС Машини“ по претходно извршените земјани работи оформи улица со рабници и бехатон коцки на површина од 260м2. Станува збор  за решавање на децениски проблем на овие граѓани, меѓу кои и на фамилијата Петрови, каде има инвалидизирано лице.

Фамилијата Петрови упатува јавна благодарност до општината и додаваат: „Фала на градаоначалникот Митко Јанчев. Конечно кај општинските власти наидовме на човечност и разбирање за нашиот проблем. После 27 години откако ја изградивме куќата, дочекавме да имаме нормален и урбанизиран пристап до нашите домови“.

Општината по трасата на новата улица спроведе и систем на јавно улично осветлување со ЛЕД светилки, а деновиве ќе се догради и пристапната патека за лицето со попреченост.

ПОПЛОЧУВАЊЕ НА ПРИСТАПЕН ПАТ КОН ТУРИСТИЧКАТА НАСЕЛБА БРУШАНИ

ПОПЛОЧУВАЊЕ НА ПРИСТАПЕН ПАТ КОН ТУРИСТИЧКАТА НАСЕЛБА БРУШАНИ

Продолжената градежна сезона овозможува Општината да финишира со проекти од комуналната изградба.

Оперативата на фирмата „Градба промет“ заврши со реализација на проектот за поплочување на делница од пристапен пат кон туристичката населба „Брушани“.

На површина од 620 м2 се поставиа бехатон коцки со што заврши втората фаза од поплочувањето на овој пристапен пат. За оваа намена општината од буџетот одвои близу 900.000 денари, пари обезбедени од сметката за комунална изградба.

Со овој проект општината им излегува во пресрет на стопанските субјекти кои имаат рибници во овој дел на Тиквешко Езеро, како и на граѓаните сопственици на викенд куќи на полуостровот меѓу Брушанскиот и Ресавскиот залив.

ТАМПОНИРАЊЕ НА УЛИЦАТА „ПЕРО ВИДЕВ“  КАЈ ВАТАШКИТЕ ГРОБИШТА

ТАМПОНИРАЊЕ НА УЛИЦАТА „ПЕРО ВИДЕВ“ КАЈ ВАТАШКИТЕ ГРОБИШТА

Привршуваат градежните работи на тампонирањето на дел од улицата „Перо Видев“ во Ваташа која минува на северната страна од гробиштата.

Овој проект опфаќа санирање на дел од улицата која потоа продолжува во земјан полски пат во должина од 300 метри, а започнува од влезот на селските гробишта и продолжува кон лозовите насади на Ваташки рид.

Со овој проект општината ги санира оштетувањата на патот кој жителите го користат како пристап до вечните почивалишта на нивните блиски, како и пат до нивните имоти во овој дел на Ваташкото виногорие.

Општината го реализира овој нов проект од комуналната изградба на барање на месната заедница од село Ваташа.

  

 

АСФАЛТИРАН ПРОБИЕНИОТ КРАК НА  УЛИЦАТА  „БАБУНА“ 

АСФАЛТИРАН ПРОБИЕНИОТ КРАК НА УЛИЦАТА  „БАБУНА“ 

Оперативата на фирмата „Изолација“ од Скопје го реализираше проектот за асфалтирање на крак од улицата „Бабуна“. Станува збор за комунален проект на општина Кавадарци според кој претходно беше извршена експропријаци заради пробивање на улицата.

Улицата е широка 5,5 метри, во должина од 100 метри, а се асфалтираше површина од 550м2.

Со вој зафат се создаде нова урбанизирана улица која на жителите од овој дел на градот ќе им овозможи пократка, побрза и побезбедна комуникација.

ПОПЛОЧУВАЊЕ НА УЛИЦАТА „ДАНКО ДАФКОВ“  ВО ВАТАША

ПОПЛОЧУВАЊЕ НА УЛИЦАТА „ДАНКО ДАФКОВ“ ВО ВАТАША

Оперативата на фирмата „АС Машини“ е ангажирана во релизација на комуналниот проект на Општина Кавадарци за поплочување на улицата „Данко Дафков“ во Ваташа.

Според проектот со бехатон коцки се поплочува вкупна површина од 960м2, на два крака. Се работи за уредување на улица која се наоѓа на десниот брег на реката Луда Мара, која води кон куќите под месноста „Журов дол“ над Спомен домот „12 Младинци“.

 Општината и ЈП„Комуналец“ претходно извршиа реконструкција на водоводната и канализационата мрежа, со што овој дел од селото Ваташ сега има функционална мрежа и урбанизиран пристап до индивидуалните станбени објекти.

 

Општина Кавадарци
 Градоначалник
                    м-р Митко Јанчев