Категорија: Улици и тротоари

ТАМПОНИРАНА ПОВРШИНАТА ЗА АСФАЛТИРАЊЕ НА ПАРКИНГОТ ПОД ХОТЕЛ „БАЛКАН“

ТАМПОНИРАНА ПОВРШИНАТА ЗА АСФАЛТИРАЊЕ НА ПАРКИНГОТ ПОД ХОТЕЛ „БАЛКАН“

Реконструкцијата и проширување на паркингот на улицата „Благој Крстиќ“ под хотел Балкан продолжува.

Градежната механизација денеска поставуваше тампон и го нивелираше теренот на улицата „Тошо Велков-Пепето“ на вкупна површина од 1850 м2. Општината овде гради нов асфалтиран паркинг, а ќе асфалтира и два крака од улицата „Тошо Велков-Пепето“, ќе ги обнови и пристапните скали помеѓу хотелот и дуќаните кои водат од плоштадот до паркингот.

Општината Кавадарци со ова ќе го подобри и зголеми капацитетот на јавниот паркинг простот, и ќе урбанизира запуштен простор во најстрогиот центар на градот.

ВО ВАТАША СЕ ПОПЛОЧУВА ДЕЛ ОД УЛИЦАТА „ПЕРО ВИДЕВ“

ВО ВАТАША СЕ ПОПЛОЧУВА ДЕЛ ОД УЛИЦАТА „ПЕРО ВИДЕВ“

Оперативата на фирмата „Павер трејд“ ја спроведува последната фаза на проектот на Општина Кавадарци за реконструкција на дел од улицата „Перо Видев“ во село Ваташа.

На површина од 350 квадратни метри се поставуваат павер елементи на потегот од кејот на реката Луда Мара до старата селска чешма.  Претходно Општината преку ЈП „Комуналец“ долж целата траса на улицата изврши замена на старата со нова водоводна линија.

Во тек е тендерска постапка за продолжување на работите за поплочување на целата должина од улицата.

 

ЗАПОЧНА АСФАЛТИРАЊЕТО НА  КРУЖНИОТ ТЕК КАЈ ВВ „ТИКВЕШ“

ЗАПОЧНА АСФАЛТИРАЊЕТО НА КРУЖНИОТ ТЕК КАЈ ВВ „ТИКВЕШ“

Ангажираната фирма „Градба промет“ денеска започна со асфалтирањето на сообраќајно-комуналниот проект-Кружен тек кај ВВ „Тиквеш“. Општината овде гради современо сообраќајно решение за експресно одвивање на сообраќајот по регионалната улица „Западен Булевар“.

Оперативата работи на поставувањето на порамнителниот (прв слој) асфалта, а според динамиката на работите асфалтирањето ќе се одвива во наредните пет денови.

Овој „турбо“ кружен тек се наоѓа на раскрсницата на улиците „Западен булевар“ со ул. 8 „Септември“, зафаќа површина од 3000м2, а согласно стандардите е со комплетна сообраќајна и комунална инфраструктура на целосно ново јавно улично осветлување и хорти културно уредување.

Општината Кавадарци инвестира 17,5 милиони денари, пари од буџетот за комунална изградба.

Општината апелира до сите учесници во сообраќајот за време на асфалтирањето на кружниот тек да се придржуваат кон времениот режим на сообраќај, и во целост да ги почитуваат сообраќајните правила и прописи.

ПРОШИРУВАЊЕ НА КОЛОВОЗОТ КАЈ КРУЖНИОТ ТЕК КАЈ МОСТИ НА  „7 СЕПТЕМВРИ“

ПРОШИРУВАЊЕ НА КОЛОВОЗОТ КАЈ КРУЖНИОТ ТЕК КАЈ МОСТИ НА „7 СЕПТЕМВРИ“

Активностите за реконструкција на улицата „7 септември“ се одвиваат непречено. Денеска ангажираната оператива работеше на проширувањето на дел од коловозната лента на кружниот тек  на мостот кај Јаворот. Се прошируваше спојот меѓу улиците „7 Септември“ и „Цано Поп-Ристов“, односно локацијата каде неодамна општината во еколошка акција пренесе две зимзелени дрва и ги засади во тревникот над кејот.

Со ова проширување ќе се обезбеди подобра прегледност, поголем проток и зголемена безбедност на сите учесници во сообраќајот.

ПОДГОТОВКА НА УЛИЦАТА „ТИКВЕШКО ВОСТАНИЕ“ ЗА НОВ АСФАЛТ

ПОДГОТОВКА НА УЛИЦАТА „ТИКВЕШКО ВОСТАНИЕ“ ЗА НОВ АСФАЛТ

Општина Кавадарци продолжува со реализација на проектот за ревитализација на улицата „Тиквешко востание“ на потегот од првиот триаголник до плоштадот.
Ангажираната оператива денесак изврши гребење на стариот и дотраен асфалт, како подготовка за поставување на нова асфалтна подлога.
Финансиската конструкција е обезбедена преку грант за успешност од Светска Банка, а во склоп на проектот се изврши проширување на улицата, поплочување на тротоарот од спојот со плоштадот кај општината до спојот со улицата „Миле В‘чков“,се поставиа нови рабници, како и трансформирање на „првиот триаголник“ во кружен тек.