Категорија: Настани

Техничкиот министер за внатрешни работи г-дин Наќе Чулев во посета на Општина Кавадарци

Техничкиот министер за внатрешни работи г-дин Наќе Чулев во посета на Општина Кавадарци

Денес во посета на Општина Кавадарци беше техничкиот министер за внатрешни работи г-дин Наќе Чулев. Министерот откако беше на терен низ град Кавадарци , го посети и кабинетот на Градоначалник м-р Митко Јанчев. На средбата се разговараше за актуелните теми кои го засегаат граѓанското општество како и за состојбата во која се наоѓа Општина Кавадарци. Министерот се запозна и со реализираните проекти на општината кои се однесуваат на безбедноста на граѓаните.

Одбележана 107 годишнината од „Тиквеќкото востание“

Одбележана 107 годишнината од „Тиквеќкото востание“

Со букети свежо цвеќе, пред споменикот на жртвите во Паркот „Полана“ беше одбележана 107 годишнината од „Тиквеќкото востание“.
Тиквешкото востание е прво организирано вооружено востание на македонскиот народ по Илинденското кое, поради разни причини, било долго премолчувано и од историчарите.
Тиквешкото востание траело седум дена и толку траела слободата на Кавадарци и Неготино и повеќе села од тиквешкиот регион. Македонските востаници ги ослободиле градовите Кавадарци и Неготино, како и педесеттина села од тој крај.
Востанието било крваво задушено, загинале или биле убиени повеќе од 1.000 Македонци, а околу 2.700 биле затворени. Притоа биле изгорени околу 1.000 куќи и дуќани, пред се во Кавадарци и во Неготино.

 

ОДБЕЛЕЖАНИ 77 ГОДИНИ ОД СТРЕЛАЊЕТО  НА „12 ВАТАШКИ МЛАДИНЦИ“

ОДБЕЛЕЖАНИ 77 ГОДИНИ ОД СТРЕЛАЊЕТО НА „12 ВАТАШКИ МЛАДИНЦИ“

На Моклиште пред споменикот на достојно во сокгалсност со актуелната корона состојба, беше одбележана 77 годишнината од стрелањето на 12 Ваташки младинци.

Делегација од Општината, предводена од градоначалникот на општината м-р.Митко Јанчев и претедавачот на советот Ристо Сакалиев положи букет свежо цвеќе во знак на почит и спомен кон убиенитте деца. Букети свежо свеќе положиа и претставници на Здуженито на борци почитувачи на придобивките од НОБ на Кавадарци, потомци од фамилиите на стреланите, од МЗ Ваташа,  претставници на политичкиот живот, како и здруженија на граѓани.

„Смртта стана немоќна пред нашата младост исправена, пред очите наши загледани уште тоа утро во иднината”.

Овие зборови се напишани на споменикот кои сведочат за еден крвав злочин извршен од страна на бугарскиот фашистички окупатор  кога на 16 јуни 1943 година во месноста „Дулово долче” изврши едно од најголемите злосторства во текот на Втората светска војна во Македонија. На тој ден беа стрелани 12 младинци од Ваташа на возраст од 15 до 28 години, а потоа нивните тела на најѕверски начин се масакрирани.

На патот од кој никогаш нема да се вратат заминуваат: Перо Видов – 15 г.,  Ванчо Гурев – 19 г.,  Данко Дафков – 18 г.,  Илија Димов – 18 г.,  Ристо Ѓондев – 18 г.,  Блаже Ицев – 20 г.,  Герасим Матаков – 18 г.,  Пане Мешков – 18 г.,  Ферчо Поп Ѓорѓиев – 26 г.,  Васил Хаџи Јорданов – 28 г., Диме Чекоров – 20 г. и  Пане Џунов – 18 г.

Со нив се спроведени и четирите младинки од селото: Невена Хаџи Јорданова, Стева Ампова, Ката Ицева и Павлина Касапинова, оставени живи да сведочат за масакрот. 

 

 Денес, 77 години по овој крвав настан сите слободољубиви луѓе, сите кои што ја ценат и почитуваат слободата на својот народ многу добро знаат дека сето она што го направија младинците од Ваташа е дело достојно за почит и восхит. Секогаш ќе остане да се памети и почитува од сегашните и идни генерации, затоа што нема ништо посвето од слободата на својата татковина и слободата на својот народ.  

Песните „Ми заплакало селото Ваташа“ од  Лазар Манчевски и „Цветови” од Славко Јаневски, секогаш ќе не потсетуваат на една младост, на 12-те скоевци.

Вечна им слава !

ОДБЕЛЕЖАН ПРАВОСЛАВНИОТ ХРИСТИЈАНСКИ ПРАЗНИК Св.„ТРИФУН“

ОДБЕЛЕЖАН ПРАВОСЛАВНИОТ ХРИСТИЈАНСКИ ПРАЗНИК Св.„ТРИФУН“

Со симболичното закројување на виновите лози, денеска на плоштадот во Кавадарци беше одбележан големиот православен христијански празник Свети „Трифун“, заштитникот на лозарите, овоштарите и градинарите.

Пред присутните граѓани и високите гости од владата и дипломатскиот кор, предводени од премиерот Оливер Спасовски, на плоштадот први зокроија градоначалникот Митко Јанчев и министерот за земјоделие Трајан Димковски. Кројачките ножици во раката ги почуствува и амбасадорката на САД во нашата земја Кејт Мари Брнз, како и неколкуте други гости од допломатскиот кор кои исто така закроиа прачки од виновите лози.

Претходно свештеници од кавадаречкото намесништво на МПЦ-ОА одржаа богослужба во чест на Свети „Трифун“.

Во продолжение на посетата домаќинот Јанчев и високите гости  направија обиколка на десеттината штандови на локални вино производители кој ги претставија нивните  производи од грозје, како и штандот на кавадаречките жени пензионерки кои се претставија со кулинарски производи типични за кавадаречкото поднебје.