Категорија: Настани

ВЕЛИГДЕНСКИ „БАЗАР“

Под покровителство на градоначалникот и советото на општината, а во организација на Домот накултурата, денеска во Градската галерија се одржа традиционалниот „Велигденски Базар“ на кој учествуваа учениците од кавадаречките основни училишта.

На импровизирани штандови децата имаа изложено свои ракотворби изработени на часовите по ликовно. Предметите поврзани со симболикатана најголемиотшправославен христијански празник Велиген тиеги продаваа по симболични цени.

Купувачи беа нивните другарчиња од училиштата, потоа родители, наставници, како и граѓани кои денеска го посетиа велигденскиот пазар во Домот.

На крајот од „Базарот“ во името на покровителот и организаторот, директорот на домот Александар Малинков, на ситеучесници им додели благодарници заучество.

Амбасадорот на САД се сретна со градоначалникот Јанчев

Амбасадорот на САД се сретна со градоначалникот Јанчев

Градоначалникот на општина Кавадарци Митко Јанчев денеска имаше работна средба во својот кабинет со амбасадорот на САД Џес Бејли.

За средбата информираше во изјава за медиумите Јанчев и рече дека амбасадорот ја поздравил соработката помеѓу градоначалникот и советот иако доаѓаат од различни политички партии.

„Разговаравме на таа тема и е многу среќен што тоа функционира. Ми се чини дека сме единствена општина во Македонија каде функционира градоначалникот од една опција а Советот да биде од друга и да функционира како што треба без никакви опструкции во интерес на општеството. Не само овој амбасадор, сите кои имаат дојдено се задоволни поради тоа и мислам дека тоа е правиот начин и правиот пат за развивање на демократијата во Македонија“ рече Јанчев.

Тој нагласи дека амбасадорот ја подржувал општина Кавадарци, давал голема сила и ветер во грб за да се движи општината напред.

„Сме со исто мислење, дека имаме добра перспектива и економска и општествена, да се развиваме како општина во подобра насока“ додаде градоначалникот и информира дека се разговарало на економски, општествени и политички теми.

„Американската амбасада е доста инволвирана во сите ситуации и е доста добро запознаена со функционирањето на општините и на Владата, така да можеме да очекуваме поддршка во секој дел, нормално таа поддршка може да биде и материјална и финансиска и со инвестиции во делот на развој на економијата“ рече Јанчев во изјавата за медиумите.

 

ГРАДОНАЧАЛНИКОТ ЈАНЧЕВ И ДРЖАВНИОТ ВРВ ГО ОДБЕЛЕЖАА ПРАЗНИКОТ НА ЛОЗАРИТЕ СВЕТИ ТРИФУН

 Во чест на празникот на лозарите Свети „Трифун“ Општина Кавадарци денеска беше домаќин на шефот на државата, Ѓорге Иванов на премиерот Зоран Заев, министерот за земјоделство, шумарство и водостопанство и на неколку амбасадори.

Пред општинската зграда премиерот и претседателот беа пречекани од домаќинот, градоначалникот Митко Јанчев. Потоа присуствуваа на свечен прием по повод празникот во општинската сала каде градоначалникот Јанчев ги запозна првите луѓе во државата со работењето на општина Кавадарци. Јанчев зборуваше и за идните проекти кои треба да се реализираат. Градоначалникот Јанчев ја нагласи успешната соработка со советот на општината вклучително со сите политички субјекти во него, посочувајќи го како единствен успешен пример во Македонија, со цел делување во полза на граѓаните и локалната заедница..

Високите гости на плоштадот во Кавадарци ја имаа можноста да прошетаат и по штандовите на винариите како и на малиите локални производители и да ги дегустираат кавадаречките вина и производи од грозје.

 Денеска симболично се закрои виновата лоза, Со молитва до Свети Трифун упатена од неговото преосвештенство митрополитот Повардарски г. Агатангел кој чиноначалствуваше во сослужение со свештеници од Кавадарци.

Чинот на закројување на импровизиран лозов насад на градскиот плоштад го извршија: претседателот на Република Македонија, Ѓорге Иванов, градоначалникот Митко Јанчев, Митрополитот на Повардарската Епархија г.Агатангел и пратеникот Панчо Миниов.

Како што налага традицијата, на симболичното закројување претходеше литургија со која чиноначалствуваше повардарскиот митрополит, лозата се поеа со вино. Беше упатена едногласна порака и молитва, лозјата да родат квалитетно гројзе, родот да се плати, а Свети Трифун да ги штити лозјата од болести и штетници.

Градоначалникот на Кавадарци, Митко Јанчев им го честита празникот на лозарите и винарите и посака бериќетна година за сите. „Денеска е голем празник за Кавадарци“. Празникот Свети Трифун е заштитник на виновата лоза. Празникот е еден убав дел од нашето минато и треба да биде убав дел од нашата иднина. Овој Свети Трифун нека биде почеток на една нова ситуација во лозарството за едни нови стандарди. Винарските визби да бидат тие кои ќе прават добро вино, лозарите добро грозје, а државата да биде таа која ќе не заштити заедно со општината родот на грозје да се плаќа на време. Како градоначалник и лозаро производител да ви кажам дека ми е чест и задоволство една ваква убава општина со убав народ да ја закроиме оваа лоза и да покажеме дека ќе имаме бериќетна година“ рече Јанчев.

 Пред кавадарчани шефот на државата Иванов порача „На лозарите и винарите во духот на нашата традиција да посакаме Свети Трифун да им донесе многу бериќет, а на винарите квалитет. Годината да биде родна и благородна. Годината да биде успешна не само за лозарите и винарите туку и за сите нас. Посакувам годината да донесе и многу вино кое ќе ни биде секој пат при рака кога треба да одбележуваме настани и да се радуваме на животот“.

Пред крајот на посетата градоначалникот Јанчев и претседателот Иванов го посетија Музејот на вкусовите, каде имаа можност да се запознаат со традицијата и дел од археолошко, историското и културно наследство на Кавадарци. Претседателот Иванов остави свој белег и во книгата на впечатоците после обиколката на музејските поставки

Прослвата на Свети Трифун продолжува и вечерва во Кавадарци. За кавадарчани целовечерен концерт ќе има Владо Јаневски, а пред полноќ ќе следи настап и ди-џеи.

ЕУ амбасадорот Жбогар во посета на Кавадарци

ЕУ амбасадорот Жбогар во посета на Кавадарци

Шефот на делегацијата на Европската Унија  во Република Македонија неговата екселенција амбасадорот Самуел Жбогар  беше во прва работна посета на Кавадарци. Посетата е дел од кампањата „ЕУ за тебе”, која има за цел да ја покрене свесноста и да ја информира јавноста за помошта што Европската Унија јадава во земјата..

            Високиот претставник на Европската Унија имаше работна средба со градоначалникот Митко Јанчев, а на состанокот присуствуваа и членовите на Советот на општината: Ташо Радњански, Зоран Јованчев и Лазар Туриманџов,

            Градоначалникот на Кавадарци, Митко Јанчев после средбата искажа задоволство од разговорот како и од посетата на евро амбасадорот на општината. Јанчев на прес конференцијата истакна: „Со амбасадорот Жбогар. разговаравме на повеќе теми и за она што ЕУ заедно со амбасадорот го имаат сработено и доделено  на Кавадарци во вид на грантови и донации, а во полза на граѓаните. Разговаравме и за нашите проекти кои што ги имаме. За новиот градоначалник и новата визија за Кавадарци, а пред се за проекти кои во соработка со ЕУ би можеле да ги реализираме во наредниот период“ рече Јанчев.

            Амбасадорот Жбогар ја поздрави соработката помеѓу советот и градоначалникот иако доаѓаат од различни политички партии. Посака таква соработка меѓу двете најголеми партии да има и на национално ниво, се во интерес на граѓаните. Жбогар за прв пат денеска официјално е во посета на Општина Кавадарци и искажа задоволство од онашто го слушна и виде во Кавадарци. „Ми беше мило да слушнам многу пофални зборови за градоначалникот за плановите за развој на општината. Слушнав охрабрување, позитивни размислувања во врска со неговата работа и за довербата што ја имаат граѓаните во новото лидерство на општината“ нагласи Жбогар.

            Претставникот на ЕУ сепак стави акцент на работоата на Советото на општината. „Навистина постои многу добра соработка, а тоа се гледа и од самиот факт што градоначалникот на денешниот состанок ги донесе и претставниците на другите политички партии. Тоа само по себе говори дека постои многу добра соработка на ниво на општинскиот совет, впрочем тоа и го потврдија присутните на состанокот. Мислам дека е многу добро да се види една таква соработка која што функционира посебно на локално ниво, затоа што луѓето од различните партии се обединуваат за реализација на проекти за добробит на граѓаните. Овој пример треба да се види и во другите општини. Ваков пример на добра соработка би сакале да видиме и на национално ниво, посебно кога се работи за национални стратешки прашања каде што соработката помеѓу двете големи политички партии би била повеќе од неопходна“ рече Жбогар.

            Градоначалникот Јанчев од амбасадорот Жбогар прими Благодарница од ЕУ во знак на признание аз сите досега успешно раелизирани проекти, а воедно како потстрек за  успешна  соработка во иднина.

          При посетата на Кавадарци амбасадорот најпрво беше во СОЗШУ „Ѓорче Петров“ каде оствари средба со неколкумина кавадарчани обучени за изработка на мебел финансиран од Европската Унија. Амбасадорот на нив им предаде сертификат со кој можат да работат како во земјава, така и во земјите членки на унијата. Ја посети и работилницата во која се врши практичната обука за ученици и возрасни, во која впрочем и беа обезбедени материјали за обука во рамките на проектот. Средба беше дел од проектот „Јакнење на доживотното учење преку модернизација на системите на стручно образование и обука и на образованието на возрасните”, спроведен од Британскиот Совет, а финансиран од Унијата.

          Жбогар бешеи во посета на Центарот за вработување, во врска со проектот „Поддршка на процесот за подобрување на работата и услугите на Агенцијата за вработување”, аимаше и работен ручек во ВВ „Тиквеш“ со ликовни уметници, актери и клтурни дејци од Кавадарци.

ГРАДОНАЧАЛНИКОТ ЈАНЧЕВ БЕШЕ ДОМАЌИН НА СТУДЕНТИ И ПРОФЕСОРИ ОД АРХИТЕКТОНСКИОТ ФАКУЛТЕТ ПРИ УКИМ ОД СКОПЈЕ

ГРАДОНАЧАЛНИКОТ ЈАНЧЕВ БЕШЕ ДОМАЌИН НА СТУДЕНТИ И ПРОФЕСОРИ ОД АРХИТЕКТОНСКИОТ ФАКУЛТЕТ ПРИ УКИМ ОД СКОПЈЕ

Денеска градоначалникот на  Кавадарци м-р Митко Јанчев и деканот на факултетот заархитектура д-р Огнен Марина потпишаа меморандум за соработка. Студентите на Архитектонскиот факултет со свои проекти ќе даваат нов лик на Кавадарци. Нивните предлози и идеи ќе бидат дел од идното уредување на градот. токму со таа цел, идните архитекти со своите проекти да дадат поубав лик на градот.

          Градоначалникот Јанчев непосредно по потпишувањето на меморандумот изјави: „Студентите и целокупниот капацитет на Архитектонскиот факултет ќе бидат вклучени во овој меморандум за соработка за давање студии и идеи за наши потреби. Општина Кавадарци ќе изготви приоритетни проблеми и видувања за развојот на градот и ќе ги прати до факултетот, а ќе добиваме помош од факултетот во развојот на градот“.

          „Покрај деканот и професорите имаме и 90 студенти, гости, кои денеска ќе ни презентираат нивна визија и гледање за проблемите во град Кавадарци. Ми се чини дека е вклучен и градскиот плоштад за негово раззеленување и разубавување и вклучување на други содржини. Се надевам на успешна соработка со овој факултет бидејќи нивниот капацитет е немерлив“ подвлече градоначалникот Митко Јанчев.

Јанчев нагласи дека соработката на Општината Кавадарци со високо образовните институции е исклучително значајна не само за студентите туку и за Локалната самоуправа.

          Деканот на факултетот проф.д-р Огнен Марина го поздрави потпишувањето на меморандумот со Општина Кавадарци и нагласи дека целиот капацитет на факултетот ќе биде искористен за проекти кои ќе дадат убав лик на Кавадарци. „Архитектонски факултет, од студентите и студентските проекти па се до професорите и стручните и научни студии, кои можеме да ги изработиме, демонстрираме капацитет, не само за справување со предизвиците кои ги имаат градовите во Македонија, туку и нашата посветеност заедно со локалната заедница да ги споделиме нашите знаења и искуства за да создадеме подобри градови, подобри локални заедници“ рече деканот.

          Тој го потенцира фактот дека Кавадарци секогаш бил во фокусот на архитектите и планерите и дека пред неколку децении професор од факултетот ги подготвувал урбанистичките планови на Кавадарци. „Се разбира дел од оние точки, објекти кои се автентични во градот и кои се дел од идентитетот на градот, да ја спомнам спомен костурницата, паркот, центарот на градот, па дури би рекол и зградата на општината се предизвик и би рекол една од ретките средини каде можеме да се почувствуваме градски. Врз основа на сето тоа искуство на тој историјат на градот ние можеме да размислуваме и за иднината“ рече деканот на Архитектонскиот факултет.