Категорија: Настани

„НУЛА ГЛАД ВО ОПШТИНА КАВАДАРЦИ“

„НУЛА ГЛАД ВО ОПШТИНА КАВАДАРЦИ“

Општина Кавадарци се вклучи во проектот Банка на храна. Проектот „Нула  глад  во  Општина  Кавадарци“,  има за цел да обезбеди  помош и поддршка за социјално загрозените и сиромашни граѓани. Акцијата се спроведува благодарение на кавадаречкиот градоначалник Митко Јанчев, локалната самоуправа и компаниите кои се вклучија во оваа хумана мисија. Кавадарци е меѓу ретките градови во регионот и Европа кој ќе го решава овој проблем.

Градоначалникот вели дека општината обезбеди простор за чување на храната и возило за нејзина дистрибуција до социјално ранливите семејства. Стотина социјално загрозени  семејства од Кавадарци ќе добиваат достоинствен оброк. Општина Кавадарци очекувa дека бројот на корисници ќе соодветствува со реалната бројка на вистински социјално загрозени семејства .

„Тој нагласува дека идејата е Кавадарци да биде општина каде ќе нема гладни и ги повикува и останатите од бизнис секторот да се вклучат со свои донации во банката за храна,  а истото можат да го направат и граѓаните кои сакаат да помогнат на сиромашните“.

Бизнис секторот, локалната самоуправа и еколошкото друштво „Еко живот“ во соработка со Банката за храна на Македонија ќе обезбедуваат храна за луѓето кои поради сиромаштија неможат да си обезбедат оброк.

Роберто Паризов од „Еко живот“ вели: „Би било добро да направиме напори банката да доставува неколку пати во месецот храна и хигиенски производи“. Додава дека се отворени за соработка и секој што сака да ја покаже својата хуманост може да достави прехранбени пакети.

Душко Христов од Банката за храна истакнува дека  Кавадарци е меѓу ретките градови во регионот и Европа кој ќе го решава овој проблем.

НОВОГОДИШЕН ПРИЕМ ВО ОПШТИНА КАВАДАРЦИ

НОВОГОДИШЕН ПРИЕМ ВО ОПШТИНА КАВАДАРЦИ

Градоначалникот на Општина Кавадарци м-р Митко Јанчев во големата сала на општината го организираше традиционалниот новогодишен прием на кој присуствуваа гости од општествено политичките организации и претпријатија, од стопанството, културата и НВО секторот.

Во обраќањето пред гостите градоначалникот Јанчев го изрази задовоството од соработката на сите политички субјекти. Говореше за реализираните проекти во 2018 година, како и за широката поддршка во советот на општината кон проектите предложени од негo, кои се во полза на градот и граѓаните на  општината.

Јанчев во своето новогодишно обраќање истакна дека во целост е задоволен од сработеното во 2018 година. Градоначалникот потенцираше: „Во годината која изминува успешно спроведовме прокет единствен на овие простори па и пошироко, насловен „Мој општинар“. Во директни контакти на терен со граѓаните, преку вработените во оваас лужба општината имаше катадневен увид во состојбата во градот. Директното реализирање на потребите на граѓаните и нивното брзо отстранување ги дадоа очекуваните ефекти и резултатаи. Во 2018 интензивно работевме на хортикултурно уредување, како и на подигање на комуналната хигиена во Кавадарци. Комуналната изградба се одвиваше непречено и со засилен интензитете како во градот така и во селата во општината. Работата донесе резултати кои граѓаните ги препознаа и позитивно ги оценија.

И во 2019 ќе продолжиме со несмалено темпо кон заедничката цел, Кавадарци да биде убаво место за живеење од каде младите нема да бегаат.“ подвелече Јанчев

Честитки кон граѓаните и изјави за медумите искажаа и членови на советото на општината:

Ристо Сакалиев,п ретседател на Совет на Општина Кавадарци:  „2018 година ми беше најтешка и најубава. Работев по 15 часови дневно, Во советот беа  Донесени над 500 одлуки за од разни области“.

Лазар Туриманџов, координатор на советничката група на СДСМ: „За нас ова година е успешна. Во Кавадарци се гради. Аномалиите од старите одлуки ги отстранивме. 2019 ке биде подобра“

Зоран Јованчев координатрор на совтничката група на МВРО-ДПМНЕ: „Годината ја оценуваме за одлична. Како ВМРО-ДПМНЕ сите одлуки од градоначалникот ги прифативме. Ние би биле задоволни ако Програмата за  наредната  2019 биде исполнета  најмалку со 70 насто.

СОВЕТОТ НА ОПШТИНАТА ГО УСВОИ БУЏЕТОТ ЗА 2019 ГОДИНА

СОВЕТОТ НА ОПШТИНАТА ГО УСВОИ БУЏЕТОТ ЗА 2019 ГОДИНА

Нова детска градинка, доградба и преадаптација на веќе постоечки објекти во детска градинка, изградба на заобиколница Западен булевар, нов паркинг, реконструкција на уличното осветлување. Ова се само дел од проектите кои општина Кавадарци ќе ги реализира во 2019 година, а ќе се финансираат со пари од буџетот чија проекција беше усвоена од советот на Општина Кавадарци на 19 редовна седница.

Раководителот на секторот за финансии Цанка Јовановска, пред членовите на советот даде образложение на финансискиот документ на Кавадарци за следната година. „Предлог буџетот на општина Кавадарци е димензиониран на вкупен износ од 972.254.000 денари, од кои,  основниот општински буџет изнесува 465 милиони денари, приходите од само финансирачки активности 55  милиони денари, приходите од дотации 370 милиони денари, прихоите од донации 16 милиони и прихдоите од кредити 65 милиони денари“

Општинската каса на Кавадарци за 2019 е планирано да тежи близу 16 милиони евра. Советниците дадоа едногласна поддршка и нагласија дека буџетот е прилично амбициозен.

Градоначалникот Митко Јанчев е оптимист дека во најголем процент планираните приходи ќе бидат реализирани. Јанчев рече дека 2019 е година на многу предизвици во повеќе области за Кавадарци. Во буџетот Кавадарци има планирано и значајни средства што треба да ги добие од централната власт за проекти кои ќе ги финансира државата.

„Во делот на развојната програма за 2019 година  Кавадарци има предвидено поголема стапка на развој. Опфатени се повеќе јавни објекти. Го ставаме во програма зелениот пазар, паркингот, кружниот тек кај Тиквеш и порачани се повеќе физибилити студии за јавно приватно партнерство“ елаборираше Јанчев и нагласи  дека повеќе проекти кои се тендерирани годинава ќе се финансираат со пари од буџетот за следната година.

Во приходите влегуваат и парите за данок на имот на новите 4500 граѓани кои досега не биле евидентирани во системот за данок на општината.

ПРОГЛАСЕНИ НАЈДОБРИТЕ СПОРИСТИ И  СПОРТСКИ КОЛЕКТИВИ ВО 2018

ПРОГЛАСЕНИ НАЈДОБРИТЕ СПОРИСТИ И СПОРТСКИ КОЛЕКТИВИ ВО 2018

На скромна свеченост во големата сала на општината, се одржа прогласувањето на Спортсист на годината за 2018.

Благица Колева џудист, освојувач на бронза од Балканското првенство во џуда одржано во Кавадарци ја понесе титулата најдобар спортист сениор за 2018 година.

Во колективните спортови признанието му припадна на карате клубот „Сансаи“, додека за најдобар млад спортист беше прогласена каратистката Владанка Аврамова од истиот клуб. Титулата најдобар млад колектив му припадна на ЖКК „Трокал“ М14 .

За најдобар тренер беше прогласена Ивана Аврамова од КК „Сансаи“, а Трајче Димитриев од ГФК „Тиквеш 1930“ го доби признанието најдобар спортски работник.

На свеченоста на која наградите ги доделија градоначалникот Митко Јанче, фудбалерот Даниел Мојсов, поранешниот кошаркар Никола Златев и претседателот на Советото Ристо Сакалиев беа доделени пехари, медали и благодарници на вкупно 35 наградени во категориите, таленти, јуниори и сениори.

Посебни благодарници беа доделени на градоначалникот м-р. Митко Јанчев за помагање, развој и унапредување на спортот, како и на Полциската станица од општа надлежност Кавадарци.

НОВОГОДИШНИ ПАКЕТЧИЊА ЗА ДЕЦАТА ОД „ГАБЕРОТ“ ВО ВАТАША И КАВАДАРЦИ

Денеска Дедо Мраз делеше новогодишни пакетчиња во двете Основни учлилипта кои го носат името на  првоборецот „Димката Ангелов-Габерот“.

Најмладите од училиштата во Кавадарци и Ваташа се потрудиле да подготват  програма која доликува за ова весела атмосфера.Така беше и  во двете уличишта. Сепак децата беа најрадосни со доаѓањето на Дедо Мраз.

Само децата знаат и умеат да направат ноговодишна атмосвера каква што можевме да гледаме денеска па и деновиве во училиштата и градинката во Кавадарци. Дедо мраз и баба мразица со насмевка ги поздравија децата и им подарија пакетчиња.

На денешниот последен ден од програмата за доделување новогодишни пакетчиња во образовните установи градоначалникот Митко Јанчев  уште еднаш посочи дека и во наредната 2019 година ќе има и други вложувања во образовните институции со цел нивно унапредување и осовременување во функција на настаниот процес и образованието.