Категорија: Настани

OОМБУ „Лазо Мицев Рале“ го одбележа патрониот празник – се отвора паралелка за средно образование

OОМБУ „Лазо Мицев Рале“ го одбележа патрониот празник – се отвора паралелка за средно образование

Градоначалникот Митко Јанчев, секретарот на општината, претседателот на советот и советници, Делегации од ОМБУ „Лазо Мицев Рале“,   денеска положија свежо цвеќе на спомен бистата на патронот. Со тоа почна одбележувањето на патрониот празник на училиштето.

Директорот, Златко Јованов се осврна на досега сработеното и најави дека добиена е согласност за отворање на паралелка за средно образование.

Градоначалникот Митко Јанчев честитајќи го патрониот празник нагласи дека музичкото училиште во Кавадарци е расадник на млади таленти и е од големо значење за општината. Најави дека од мај ќе започне уписот на ученици за средно музичко образование во новата паралелка што ќе се отвори.

На денешното одбележување на патрониот празник беа прогласени и учениците првенци на генерација. Од класата по пијано кај професор Весна Павлова првенец на генерацијата е Иван Стојанов. Од класа балет кај проф. Билјана Грозданова првенец е Тијана Спанџова. Костадин Мишев е ученик првенец на геренација од класата по традициски инструменти кај проф. Горан Јанев, Стеван Мустеников во класата по хармоника кај проф. Стеван Волчев, Илина Бошева од класата пијано кај проф. Ѕвонко Богев и Бени Шаќири првенец на генерација од класата по кларинет кај проф. Александар Ангелов. За 10 години работен стаж во училиштето беа наградени педагог Јасминка Кузманов и професорот по кларинет Лазар Соколов.

Беше изведена и кратка музичка програма од учениците.

ОПШТИНА КАВАДАРЦИ СЕ ВКЛУЧИ ВО ОДБЕЛЕЖУВАЊЕТО НА СВЕТСКИОТ ДЕН НА СВЕСНОСТА ЗА АУТИЗМОТ

ОПШТИНА КАВАДАРЦИ СЕ ВКЛУЧИ ВО ОДБЕЛЕЖУВАЊЕТО НА СВЕТСКИОТ ДЕН НА СВЕСНОСТА ЗА АУТИЗМОТ

Градоначалникот м-р. Митко Јанчев, претседателот на советот Ристо Сакалиев и општинската администрација денеска на платото пред општинската зграда симболично со пуштање во воздух на сини балони, го одбележаа втори април Светскиот ден на свесноста за аутизам.

Во изјавата Јанчев истакна дека општината  е  со јасна определба во заштитата и почитувањето на правата на лицата со аутизам, посочувајќи дека: „Денешниот ден не постетува дка околу нас има лица кои не треба оттргнеме од вкупните процеси во општетството, нута пак да ги заборавиме“.

Донација на опрема во Територијалната противпожарна единица Кавадарци

Донација на опрема во Територијалната противпожарна единица Кавадарци

Денес од страна на Дирекција за заштита и спасување е донирана опрема на Територијалната противпожарна единица Кавадарци. Донацијата вклучува: еден сет воздушни перници за кревање на терет,еден сет хидраулични потпирачи за стабилизирање на тешки и лесни возила, како и за стабилизирање на урнатини од земјотрес. Голема благодраност до Дирекцијата за заштита и спасување за оваа донација. Со оваа опрема нашата Противпожарна единица, која е една од најдобро опремените во државата, ги зголемува своите можности да им биде во корист на граѓаните на нашата општина.

Примопредавањето на донацијата го направија заменик директорот на Дирекција за заштита и спасување г-дин Зулфикар Зејнулаи и градоначалникот г-дин Митко Јанчев.

 

 

 

Одбележан празникот Свети Трифун во Тиквешијата – се закроија лозјата

Одбележан празникот Свети Трифун во Тиквешијата – се закроија лозјата

И покрај интензивните врнежи од снег, во Тиквешијата се испочитува традицијата за одбележување на празникот Свети Трифун. Се изврши симболично закројување на виновата лоза, со што започнуваат и операциите за производство на грозје од новата реколта.

Од музејот на виното во Кавадарци беше упатен благослов за богат и квалитетен род. Градоначалникот на Кавадарци, Митко Јанчев, министерот за земјоделство Арјанит Хоџа, пратеникот Панчо Минов и претседателот на советот Ристо Сакалиев денеска извршија симболично закројување на импрвизираната винова лоза во винскиот музеј, по повод празникот Свети Трифун.

Честитки до лозарите по повод големиот празник упати градоначалникот на Кавадарци, Митко Јанчев, кој порача заштитникот на виновата лоза Свети Трифун да го штити родот од новата реколта.
„ Посакувам оваа година да биде успешна за лозаропроизводителите со производство на квалитетно грозје, винариите да прават квалитетно вино и целиот труд да го добие заслуженото. Општина Кавадарци дава огромна поддршка и на малите семејни винарии кои со огромна љубов вложуваат во своите производствени капацитети со надеж за поголема промоција а во исто време и развој на туризмот во овој регион. Поминавме една тешка година која ќе ја паметиме долго. Денес симболично закројуваме со надеж за подобро утре. Иако спречени да го прославиме овој празник во поголеми размери, сепак сме тука да си посакаме желби за поуспешна година. Ви благодарам на сите кои сте денес тука заедно да наздравиме за бериќет и подобро здравје “ рече Јанчев.

Одбележан патрониот празник на СОУ “Киро Спанџов Брко” Кавадарци

Одбележан патрониот празник на СОУ “Киро Спанџов Брко” Кавадарци

СОУ “Киро Спанџов Брко” Кавадарци денеска го одбележа патрониот празник. На спомен бистата во кругот на училиштето цвеќе положија делегации од училиштето, градоначалникот Митко Јанчев, локалната самоуправа и членови на семејството Спанџови.