Категорија: Проекти

Нови четири противпожарни возила за четирите општини од Вардарски плански регион

Нови четири противпожарни возила за четирите општини од Вардарски плански регион

Денеска во Кавадарци градоначалникот Митко Јанчев, заедно со градоначалниците од општините Велес, Неготино и Свети Николе присуствуваа на примопредавање на четири противпожарни возила, за потребите на четирите територијални противпожарни единици од Вардарскиот плански регион од страна на Министерството за локална самоуправа и Центарот за развој на Вардарски плански регион.

Вкупната вредност на овој проект изнесува 32.000.000 денари од кои 24 милиони се обезбедени преку Министерството за локална самоуправа, а 8 милиони се кофинансирање од четирите општини.

Со реализацијата на овој проект се зајакнуваат капацитети на четирите Територијални противпожарни единици кои што ќе ги покриваат и останатите пет општини од Вардарскиот плански регион кога и да е тоа потребно.

 
10 ОПШТИНСКИ ИНСТИТУЦИИ ВО КАВАДАРЦИ СТРУЈА ДОБИВААТ ОД СОНЦЕТО

10 ОПШТИНСКИ ИНСТИТУЦИИ ВО КАВАДАРЦИ СТРУЈА ДОБИВААТ ОД СОНЦЕТО

Општина Кавадарци целосно ја заврши првата фаза од проектот за инсталација на фото-напонски панели на десет јавни институции.

Градоначалникот Митко Јанчев на денешната прес конференција истакна дека се работи за доста значаен проект, инвестиција ќе биде вратена за една година, а јавните установи ќе добиваат електрична енергија од сонцето и ќе имаат заштеди, бидејќи струја набавуваат на слободен пазар и истата е со доста високи цени.

Панели за производство на струја од обновливи извори на енергија ќе се поставуваат и на други општински институции.

Поставувањето на мерни станици за смарт земјоделство

Поставувањето на мерни станици за смарт земјоделство

На 18 локации во Тиквешкиот регион започна поставувањето на мерни станици за смарт земјоделство. Земјоделските производители ќе добиваат податоци од електронскиот мониторинг за атмосферските влијанија врз земјоделските површини, а со тоа можност за точно утврден период на потребата од заштита. Денеска помеѓу „Еуроникел“ и „Југокомерц“ беше поставена првата ваква станица.

Градоначалникот Митко Јанчев изјави дека вкупната вредност на проектот изнесува 10 милиони денари.

 

Нови фотонапонски панели и на последните општински објекти С.О.З.Ш.У ,,Ѓорче Петров’’ и О.О.У ,,Тошо Велков Пепето’’

Нови фотонапонски панели и на последните општински објекти С.О.З.Ш.У ,,Ѓорче Петров’’ и О.О.У ,,Тошо Велков Пепето’’

Денеска се поставија фотонапонски панели и на последните два од вкупно десет општински објекти односно во С.О.З.Ш.У ,,Ѓорче Петров’’ и О.О.У ,,Тошо Велков Пепето’’ Кавадарци.

Да потсетиме дека Општина Кавадарци е меѓу првите општини која започна со реализација на овој проект ,,Поставување на фотонапонски панели на 10 Јавни општински објекти со вкупна инсталирана моќ од 19,2 киловати на час’’.

Општата цел на овој проект е искористувањето на сончевата енергија и намалување на емисијата на штетни гасови и загадувањето на животната средина.

Во Кавадарци за првпат ќе се реализира ваков иновативен проект со кој ќе се придонесе за заштита на животната средина, подобрување на квалитетот на животот на граѓаните бидејќи овие фотонапонски системи работат на користење на обновливи извори на енергија.

Спортската сала во ООУ „Димката Ангелов Габерот“ с.Ваташа Кавадарци од денеска и официјално е предадена во функција

Спортската сала во ООУ „Димката Ангелов Габерот“ с.Ваташа Кавадарци од денеска и официјално е предадена во функција

После многу години село Ваташа доби современа спортска сала . Истата се изгради за помалку од една година и сега учениците ќе имаат можност наставата по физичко образование да ја изведуваат во овој објект. За оваа инвестиција Општина Кавадарци издвои 19 милиони денари од својот буџет. Спортската сала се протега на површина од 400 м2.