Најдени резултати за : СЦ Јасмин

Отварање на Лизгалиштето во СЦ Јасмин

Отварање на Лизгалиштето во СЦ Јасмин

Градоначалникот на Кавадарци м-р Митко Јанчев во присуство на претставници од Хокеарската федерација на Макеодонија, педагози по физичко образование, како и ученици од Кавадарци, го предаде во функција лизгалиштето кое се наоѓа во комплексот на спортскиот центар „Јасмин“. Лизгалиштето е со двојна намена, претпладне ќе работи како центар за настава по физичко за учениците од општината, а попладне на комерцијална основа за сите кои после настава сакаат да се рекреираат. Ќе се изнајмуваат лизгалки, а билетот ќе чини 100 денари.

Јанчев во обраќањето пред присутните истакна:  „Идеата е моја како градоначалник и на општина Кавцадарци. Во соработка со „Кожувчанка“ и „Црна река Петрол“.  Општина Кавадарци преку Сојузот на училишни спортови преку училипштата организира бесплатно лизгање во зимскиите месеци.  Учениците ќе имаат часови по лизгање. Ќе можат децата да се релаксираат. Еуфоријата денеска е на високо ниво. Задоволство ми е што Кавадарци доби лизгалиште и што можеме да се рамниме со поголемите градови“ рече градоначалникот Митко Јанчев.

Лизгалиштето ќе послужи и за регрутирање млади таленти во хокеј. „Ние имаме план да праќаме тренер секоја недела. Ова е еден одличен проект кој ќе придонесе за хокејот во Македонија да дојде до сосема солидно ниво. Се планираат лизгалишта во Битола и Охрид“ изјави претставникот од Хокејарската федерација на Македонија.

Задоволство од отворањето на овој спортско рекреативен објект искажаа и наставниците по физичко и здравствено воспитување од кавадарци.

Лизгалиштето ќе работи секој ден во текот на зимската сезона. 

ПОСТАВЕНИ РАБНИЦИТЕ НА АТЛЕТСКАТА ПАТЕКА НА СЦ „ЈАСМИН“

ПОСТАВЕНИ РАБНИЦИТЕ НА АТЛЕТСКАТА ПАТЕКА НА СЦ „ЈАСМИН“

Проектот на општина Кавадарци за ревитализација на атлетската патека на Спортскиот центар „Јасмин“ влегува во поодмината фаза од изградбата.

Работниците на „Градба промет“ ги поставија последните рабници од внатрешниот круг со што ја оформија новата контура на атлетската патека околу фудбалскиот терен. Општината овде ќе постави асфалтна подлога, која ќе ја замени досегашната земјена патека. Со асфалтирањето во многу ќе се подобрат перформансите на патеката, со што на многубројните рекреативци општината ќе им создаде подобри услови за спортување и рекреација.

Паралено со градежните работи, општината работеше и на подобрување на јавното осветлување кое набрзо че биде ставено во функција за ноќна рекреација на спортскиот центар „Јасмин“.

ОБНОВЕНО ЈАВНОТО ОСВЕТЛУВАЊЕ НА АТЛЕТСКАТА ПАТЕКА НА СЦ „ЈАСМИН“

ОБНОВЕНО ЈАВНОТО ОСВЕТЛУВАЊЕ НА АТЛЕТСКАТА ПАТЕКА НА СЦ „ЈАСМИН“

Деновиве непречено се одвиваат градежните работи за ревитализација на дел од Спортскиот центар „Јасмин“. Паралелно со градежните работи се врши реконструкција на постојното јавно осветлување за да се подобри видливоста во ноќните часови. На постојните 14 канделабри ќе се постават нови ЛЕД светилки „дво-крака конзола“ со што ќе се подобри осветлувањето.

Поради проширување на атлетската патека на западната страна од теренот се изврши поместување на 4 канделабри за 70 сантиметри кон оградата.

Инаку согласно проектот ќе се изврши ревитализација и подобрување на подземната електрична мрежа, а ќе се постават изводи и за приклучување на дополнителни рефлектори.

НОВА АТЛЕТСКА ПАТЕКА И ОБНОВЕНО ОСВЕТЛУВАЊЕ НА СЦ „ЈАСМИН“

НОВА АТЛЕТСКА ПАТЕКА И ОБНОВЕНО ОСВЕТЛУВАЊЕ НА СЦ „ЈАСМИН“

Општина Кавадарци во склоп на Програмата за комунално уредување инвестира и во подобрување на условите за рекреација на граѓаните.

Деновиве започнаа градежните работи за ревитализација дел на Спортскиот центар „Јасмин“. Градежната фирма „Градба промет“ од Кавадарци работи на обновување на атлетската патека. Според проектот постојната земјена подлога ќе биде заменета со асфалт на вкупна површина од 3.150м2. Патеката од внатрешната и надворешната страна ќе биде обградена со нови ивичници во вкупна должина од 845 метри. Воедно на западната страна ќе се изврши проширување на патеката и нејзино продолжување кон север за да се оформи патека за трка на 100 метри.

Паралелно со градежните работи општината ќе изврши и реконструкција на постојното јавно осветлување за да се подобри видливоста во ноќните часови. Затоа на постојните 14 канделабри ќе се постават нови светилки „дво-крака конзола“ со што ќе се подобри осветлувањето. Се работи на ревитализација и на подобрување на електричната мрежа.

Овој проект ќе ја чини општината 2.528.799 денари. Парите се обезбедени од буџетот.

Инаку Општина Кавадарци во наредниот период планира нови проекти со кои ќе се подобрат условите за рекреација и одмор на најомиленото и најпосетено место од граѓаните рекреативци.

ТАМПОНИРАЊЕ НА НОВИТЕ УЛИЦИ  ВО НАСЕЛБАТА „ЈАСМИН“

ТАМПОНИРАЊЕ НА НОВИТЕ УЛИЦИ ВО НАСЕЛБАТА „ЈАСМИН“

 Фирмата „Градба промет“ деновиве работи на поставување на бетонски рабници нивелирање и тампонирање на улиците, од комуналниот проект на Општина Кавадарци за изградба на улици во населбата „Јасмин“.

Согласно Деталниот урбанистички план општината изврши пробивање на нови улици со што се оформија комунациите за индивидуалните станбени објекти во тој дел на градот под СЦ „Јасмин“.

Според проектот пробиени се четири нови улици на два споја со регионалната улица „8-ми Септември“ која води кон Винарската визба „Тиквеш“.

Реализацијата на проектот е на барање на жителите од оваа населба, а општината со изградбата им овозможи повеќе да не газат кал.